العمل بيدين راضيتان (مسئوليه الزوجه قى المنزل)

العمل بيدين راضيتان

جوزي سمعني في مره وانا عماله اهري مع نفسي من شغل البيت وتنضيفه والأولاد والمذاكرة
ففتحت الكتاب المقدس
في امثال ٣١ ولقيت الكلمة دي قدام عيني
"#تَعْمَل_بيدين_راضيتين"

دى آية بتحكى صفة من صفات المرأة الفاضلة سرحت فيها وقعدت أقول
"كنت عمَّالة اهرى في نفسى بكلام كتير ..
كله ياخد أجازة من شغله إلا الأم!
مكتوب عليَّ اشتغل مسح وتنضيف كل يوم ومفيش جديد!
كل يوم بعمل اللى بعمله ده وآخر اليوم كأنى معملتش حاجة!
بس الآية "#تعمل_بيدين_راضيتين" ماعدتش من يومها عليَّ مرور الكرام، لكن الرب قصد بيها ينور ذهنى ويكشف لى أمر جديد حابة اشارككم بيه:🙏🙏
ياترى هيكون إيه إحساسى لو عيالى كبروا وواصلهم رسالة إنى طول ما أنا كنت بربيهم كنت حاسة بإنى أم مقهورة بسبب الأمومة وتعبها؟؟
يفرق معايا إن الولاد يكبروا وهم حاسين إنهم محبوبين بلا شروط وبعمل لهم طلبات بقلب فرحان💗 ..
بمجرد إن الآية غيرت تفكيرى بقيت مبسوطة وانا بعمل شغل بيتي من الصغير للكبير ..
راضية اتعامل مع طلبات بلا حدود ..
راضية افك اشتباكات ..
راضية لإنى استلمت المهمة من الله ..
راضية لإن اللى بتعب عشانهم يستاهلوا أحسن ما عندى .. لأنهم حته مني
أنا هكون راضية بجد لإنى بحب بيتي وأولادي ..
إبدأى يومك بالتوجه ده وماتسمحيش للأفكار السلبية والهرى يتسربوا لدماغك ..
كلمى نفسك دايما بالحق انشالله تعملى كده بصوت عالى ..
خلونا نفصل مابين تعب المهمة .. وغلاوة بيتي واللي بحبهم ..
وكمان لازم اريح لما اتعب بالطريقة اللى بتفرفشنى .. أقرا .. اشرب شاى .. ارنم بصوت عالى .. اصلى الرب يشحنِّى بالطاقة .. وخلونا ماننساش ان الرب شايف ومقدَّر تعبنا ..
ربنا يحافظ علي بيوتنا وأولادنا ويدينا الحكمة والنعمة منه
#أمين

ايمان ام عظيمه

حكايه حقيقيه
الأم العظيمه

 هذه القصه سمعتها من طبيب عيون صديق لي؟ (هو الآن ابونا فلان )  قال:
وانا اعمل بعيادتي دخلت سيده بسيطه تقول لي انها تشعر  ان عين ابنتها اليمنى غير طبيعيه، وقالت لي اكتب لي قطره حتى لو كانت غاليه لان العين اهم شيء  .فحصت عين الطفله وبدأت أشك في .. فطلبت منها ان تحضرها غدا لافحصها تحت تاثير مخدر، حيث انها طفله صغيره ،وفعلاجاءت الأم مع طفلتها وعلامات القلق تبدو على وجهها  ..وعندما فحصتها زادت شكوكي  ! فطلبت منها عمل موجات صوتيه واشعه مقطعيه ..بدات اتاكد   من المأساه-يا للهول كيف استطيع ان أخبر أم ان ابنتها لديها ورم نادر جدا يصيب الاطفال يسمى retinoblastoma !!
وكان علاجه وقت ذاك (منذ٢٠سنه)قبل اكتشاف وسائل العلاج الحديثه هو استئصال العين قبل ان يمتد للمخ والعين الاخرى !
خرجت من هذا المأزق بأن حولتها الى الاستاذ فلان( غير مسيحي)
وفعلا اخبرها انها تحتاج الى استئصال للعين باسرع وقت وبمساعدة استاذ التخدير (فلان) والعمليه تتكلف  مع الرأفه ٣٠٠٠ جنيه وكان ذلك مبلغا فادحا وقتها .
هل تتخيل وقع الخبر على هذه الأم المسكينه !!
فهي ستدبر المبلغ لا لكي تشفى ابنتها بل لكي تستأصل  ...
بعد ان افاقت من الصدمه بدات تدبر المبلغ وبصعوبه شديده جمعته ، وقبل ان تذهب للطبيب قررت ان تأخذ بركة ابو سيفين فتوجهت لكنيسته بمنطقة امبروزو بالاسكندريه
،وهناك  انهارت في البكاء لمدة ربع ساعه متواصله واخيرا توصلت الى حل  ،هل تعرف او تخمن يا صديقي ماهو ؟؟؟؟
نعم  ! لقد اخرجت ٣  ظروف  كل ظرف به ١٠٠٠ جنيه هو كل المبلغ المطلوب الذي جمعته جنيها جنيها ،واسقطته بالصندوق امام ايقونة ابو سيفين بعد ان اضاءت شمعه   ،ومسحت دموعها  وشعرت بقوة تسري في داخلها وعادت للمنزل في سلام.
قال صديقي الطبيب :ثم عادت الي بالعياده في اليوم التالي وقالت لي اكشف على بنتي ؟حاولت التملص من الموضوع وارجعت لها الكشف ولكنها اصرت ..وهنا كانت المفاجأه !!!لم اصدق نفسي ماذا حدث ؟  معقوله !!العين سليمه ١٠٠% !!
حكت لي القصه فمجدت الله وقديسيه وطلبت منها التوجه للاستاذ فلان ليتاكد من المعجزه
وفعلا ذهبت اليه وظن في البدايه انها العين السليمه وانه كتب اليمنى بدل اليسرى ثم فحص العين الاخرى فوجدها سليمه فسألها هل هذه اختها التوأم ؟فقالت له بل هي نفس الطفله  ، لكنه اراد ان يتأكد قبل ان يقول كلمته فطلب منها عمل نفس الاشعات ثانية،   وتأكد من انها سليمه ،فقال لها  كيف حدث هذا ؟ قالت له   يا دكتور دا ربنا وشفاعة ابو سيفين
قال لها الاستاذ: اسمع عن المعجزات التي تحدث عندكم ولكني رأيتها اليوم بنفسي !!!!!
- اتسعت عيناي وانا اسمع من صديقي الطبيب القصه وقلت له، انا لست متعجبا من المعجزه فانا اعرف قوة الله في قديسيه ولكني اتعجب من ايمان هذه الام العظيمه  !!
الم تفكر لحظه ماذا لو لم تحدث معجزه ؟كيف ستدبر المبلغ ثانية ؟ فالطبيعي ان انذر شيئا واذا تم اوفي النذر  !!
"يا امراة عظيم ايمانك! ليكن لك كما تريدين، فشفيت ابنتها من تلك الساعه " مت ١٥:٢٨
اقرأ وارسلها لآخرين

متكونشى وطن زائف قصه وعبرة

متكونش وطن مزيف..

سمعت حكايه لطيفه بتقول ان كان فيه ملك و عنده جيش كبير و ف مرة كان راجع من الحرب لقى حارس البوابة واقف على الباب بيرتحف لأنه كان راجل كبير فسأله الملك
+انت ليه واقف بلبس خفيف اوي ف البرد ده؟
- قاله مش معايا اجيب لبس تقيل انا جبت لولادي و اديني بتحمل و اتعودت
اشفق الملك جدا و وعده بأنه لما يدخل القصر هيبعت له حارس بلبس تقيل من عنده
فرح الحارس جدا و فضل منتظر ايام كتيرة
و بعد كام يوم كان الملك خارج و افتكر يتطمن ع الحارس سأل عليه الحراس قالوله انهم جم بعد 5 ايام من مقابلته الأولى للملك و لقوا اتجمد و مات
أتعجب الملك و سأل وزيره ازاي و هو متعود بقى له سنين يموت بسبب البرد
رد الوزير و قال إنه مات لأنه اتعشم و حط امل فيك و انت خذلته.. فالأمل اللي كان عايش عليه اختفى
خلاصة القول متكونش وطن لحد و تخذله.. متعودش انك هتستمر تحب و تقدر و تقبل و في الاخر تستسلم لأنه يجوز في حياه حد متعلقة بوعدك ده
متكونش وطن مزيف 😀

معادلات روحية

حسابات جمع وطرح وضرب وقسمة

قراءه × الانجيل ÷ طول + العمل بالوصية = حياة ابدية

الاعتراف +توبة حقيقيه= غفران للخطية

خاطئ + دموع توبة - خطية = بداية ثانية

عبوديه + المسيح = حرية

حريه - المسيح = عبودية

صوم + صلاه = انتصار ÷ الشيطان

الاعتماد ÷ الله × كل حين = نجاح عظيم × حياتنا

عمل الاعمال الصالحة ÷ الارض = اجور × السماء

الاتكال ÷ الله + وضع النفس × يد الله = حياة الانتصار ÷ العدو

تعلم من النسر وبص للشمس

النسر

هو الكائن الوحيد مش بس الطائر الوحيد اللي يقدر يبص للشمس لمدة ١٠ دقايق وعينيه متتعبش ، وعشان كده لما الصياد يجي يصطاد النسر .. فالنسر يجري بسرعة ناحية الشمس ، عشان الصياد لما يبص عليه عينيه تيجي في الشمس وميقدرش يصطاده.
الله خلقك نسر ، وبيجدد مثل النسر شبابك ، فلما يجي إبليس عشان يصطادك إجري بسرعة في إتجاه شمس البر ربنا هتلاقي إبليس الصياد مش قادر يقف ولا قادر يفتح عينيه قدام شمس البر. ((صلي اطلبه وقوله انقذني من ابليس انا بحتمي فيك ))

الوصايا العشره لمنتظرى الرب

💔الوصايا العَشر لـ"مُنتظري الرب"💔
~~~~~~~~~~~~~~~~

1⁃ إطمن..😌
اللي زرع الحِلم في قلبك.. هو المسئول عن تحقيقه، واللي إبتدا معاك سِكة هايكمل للآخر. ماتخافش.. اللي سلّمتله حياتك "أمين"، هايفضل معاك في كل تفاصيلها.. مش هايخلي بيك في النُص.

2⁃ ثِق..😁

اللي وعدك راجل في كلمته، مابينساش وعوده.. حتى لو عدّت سنين، مُستحيل يرجع في كلمة قالها.

3⁃ اتشدّد.💪🏻

اللي بيخطط مستقبلك هو "الجالس على كُرة الأرض".. لما بيأمر بالنجاح بيتحقق، ولما بيبعت بركة بتوصل.. غصبٍ عن إبليس.

4⁃ سَلّم..😊

اللي مسئول عن حياتك "الله القدير"، وفي قُدرته دي مش هايمنع "فشلَك".. لكن هايحتويه في خطّته، ويُثمر منه "نجاح" زي ما وَعد.

5⁃ فوَّق..😄

اللي معاك "يُعطي الجميع بسخاء".. أُنفض من على قلبك تُراب اليأس والقلق وصِغر النفس. وإتقدم بثقة لـ"عرش النعمة"..

6- إصرف ...☺

رحمة وبركة على قد ما تقدر ووقت ما تحتاج.

7⁃ ماتقلقش..😊

اللي معاك "ضابط الكُل".. برغم كل "العشوائية" اللي أنت شايفها، هو برضو بيتصرف وبيطلّع من كل اللخبطة دي معنى، ومن "العبث" ده بركة.. دي مُعجزتُه.

8⁃ إفرح.. 🤗
اللي معاك "شديد القوة".. حتى لو في "الأتون"، حضوره بس يخليه "ندى بارد".. حضوره يديك "سلام" يحفظ قلبك ويُصلب طولك من جديد. ⁃

9- إرتاح..😌

اللي مسئول عنك هو "الحـامل كُل الأشياء بكلمة قدرته".. مش هايعرف يمشّي حياتك يعني؟ هايغلب في حَل مشاكلك مثلاً؟

10⁃ صدّق..👍🏻

اللي معاك "ليس في فمه غش". حتى لو وصلت للـ"هزيع الرابع".. حتى لو الدنيا كلها بتنهار.. صدّق أنه جاي. وصدق بس لأنه هو اللي قال أنه جاي، والرب عُمره ما بيخلِف وعوده

انا اسمى مارى وانا لا احب بسوع

انا اسمي ماري ﺍﻧﺎ ﻻ ﺍﺣﺐ ﻳﺴﻮﻉ "!!!??

ﺑﻀﻴﻌﺔ ﺻﻐﻴﺮﺓ ﻋﻠﻰ ﺟﺒﻞ ﻛﺎﻧﺖ ﺗﻌﻴﺶ ﻋﺎﺋﻠﺔ ﻣﻜﻮﻧﺔ ﻣﻦ ﺍﺏ ﻭﺍﻡ ﻭﻃﻔﻠﻴﻦ ﺑﻴﺘﺮ ﻭﻣﺎﺭﻱ. ﻛﺎﻥ ﻟﻸﺏ ﺣﻘﻼ ﻳﺰﺭﻋﻪ ﻭﻳﻌﻤﻞ ﺑﻪ ﻣﻦ ﺍﻟﻔﺠﺮ ﺣﺘﻰ ﺍﻟﻤﺴﺎﺀ ﺑﻴﻨﻤﺎ ﺍﻷﻡ ﺗﻬﺘﻢ ﺑﺎﻟﺒﻴﺖ ﻭﺍﻟﻌﺎﺋﻠﺔ ﺍﻟﺼﻐﻴﺮﺓ . ﻛﺎﻧﺖ ﺍﻷﻡ ﺗﺨﺼﺺ ﻛﻞ ﻳﻮﻡ ﺳﺎﻋﺔ
ﺍﻟﻈﻬﺮ ﻟﻠﺠﻠﻮﺱ ﻣﻊ ﺍﻭﻻﺩﻫﺎ ﻭﻣﺤﺎﺩﺛﺘﻬﻢ ﻋﻦ ﻳﺴﻮﻉ ﻭﻟﻠﺼﻼﺓ . ﻛﺎﻧﺖ ﻫﺬﻩ ﺍﻟﺴﺎﻋﺔ ﻣﻦ ﺍﺟﻤﻞ
ﺳﺎﻋﺎﺕ ﺍﻟﻨﻬﺎﺭ ﻋﻨﺪ ﺍﻻﻭﻻﺩ ﻳﻨﺘﻈﺮﻭﻧﻬﺎ ﺑﻔﺎﺭﻍ ﺍﻟﺼﺒﺮ . ﻣﺮﺽ ﺍﻷﺏ ﻳﻮﻣﺎ ﻭﻻﺯﻡ ﺍﻟﻔﺮﺍﺵ ﻭﻟﻢ
ﺗﺴﺎﻋﺪﻩ ﻋﻼﺟﺎﺕ ﺍﻻﻃﺒﺎﺀ ﺑﻞ ﻛﺎﻥ ﻭﺿﻌﻪ ﻳﺰﺩﺍﺩ ﺳﻮﺀﺍ ﻓﺄُﺟﺒﺮ ﺑﻴﺘﺮ ﻋﻠﻰ ﺍﻟﻌﻤﻞ ﻓﻲ ﺍﻟﺤﻘﻞ ﻣﻜﺎﻥ
ﻭﺍﻟﺪﻩ ﺍﻟﻤﺮﻳﺾ . ﻭﻛﺎﻥ ﻳﻌﻮﺩ ﻓﻲ ﺍﻟﻤﺴﺎﺀ ﻣﻨﻬﻜﺎ ﻓﻴﺘﻨﺎﻭﻝ ﻃﻌﺎﻣﻪ ﺑﺴﻜﻮﺕ ﺛﻢ ﻳﺬﻫﺐ ﺍﻟﻰ ﻏﺮﻓﺘﻪ
ﻭﻳﻨﺎﻡ . ﻟﻢ ﺗﻐﻴّﺮ ﺍﻷﻡ ﻋﺎﺩﺗﻬﺎ ﻓﻜﺎﻧﺖ ﺗﺠﻠﺲ ﻣﻊ ﻣﺎﺭﻱ ﻓﻲ ﺍﻟﻈﻬﺮ ﻟﺘﺼﻠﻴّﺎﻥ ﻣﻌﺎ ﻭﺗﺤﻜﻲ ﻟﻬﺎ ﻣﻦ ﻗﺼﺺ ﺍﻟﻜﺘﺎﺏ ﺍﻟﻤﻘﺪﺱ. ﺳﺄﻟﺖ ﻣﺎﺭﻱ ﺍﻣﻬﺎ ﻳﻮﻣﺎ " :ﻣﺎﻣﺎ ﻣﺘﻰ ﺳﻴﺮﺟﻊ ﺑﻴﺘﺮ ﻟﻴﺴﻤﻊ ﺍﻟﻘﺼﺺ ﺍﻟﺠﻤﻴﻠﺔ ﻣﻌﻲ ؟" ﺍﻷﻡ: ﻋﻨﺪﻣﺎ ﻳﺸﻔﻰ ﺍﻟﺒﺎﺑﺎ ﻳﺎ
ﺣﺒﻴﺒﺘﻲ ﻭﻳﺮﺟﻊ ﻟﻠﻌﻤﻞ ﻓﻲ ﺍﻟﺤﻘﻞ ". ﻭﻣﺘﻰ ﺳﻴﺸﻔﻰ ﺍﻟﺒﺎﺑﺎ؟ " ﻋﻨﺪﻣﺎ ﻳﺸﺎﺀ ﻳﺴﻮﻉ ". "ﺳﻮﻑ ﺍﺻﻠﻲ ﻭﺍﻃﻠﺐ ﻣﻦ ﻳﺴﻮﻉ ﺍﻥ ﻳﺸﻔﻴﻪ ﺑﺴﺮﻋﺔ , ﻻﻧﻲ ﺍﺭﻳﺪ ﺍﻥ ﻳﺸﺎﺭﻛﻨﻲ ﺑﻴﺘﺮ ﺑﺴﻤﺎﻉ ﺍﻟﻘﺼﺺ ﻭالترنيم ﻓﻤﻌﻪ ﻛﻞ ﺷﻲﺀ ﺍﺟﻤﻞ ". " ﻧﻌﻢ ﻳﺎ ﺍﺑﻨﺘﻲ , ﺻﻠﻲ ﻟﻴﺴﻮﻉ ﻓﻬﻮ ﻟﻦ ﻳﺮﻓﺾ ﻟﻚ ﻃﻠﺒﻚ ."
ﻣﻨﺬ ﺗﻠﻚ ﺍﻟﻠﺤﻈﺔ ﻟﻢ ﺗﺘﻮﻗﻒ ﻣﺎﺭﻱ ﺍﻟﺼﻐﻴﺮﺓ ﻋﻦ ﺍﻟﺼﻼﺓ ﻟﻴﺴﻮﻉ ﻓﻘﺪ ﻛﺎﻧﺖ ﺗﺘﻮﻗﻒ ﻋﻨﺪ ﺍﻳﻘﻮﻧﺘﻪ ﺍﻟﻤﻮﺿﻮﻋﺔ ﻋﻠﻰ ﻃﺎﻭﻟﺔ ﺻﻐﻴﺮﺓ ﻛﻠﻤﺎ ﻣﺮﺕ ﻣﻦ ﻗﺮﺑﻬﺎ ﺗُﻘﺒّﻠﻪ ﻭﺗﻘﻮﻝ ﻟﻪ " :ﻳﺴﻮﻉ, ﺍﻣﻲ ﺗﻘﻮﻝ ﺍﻧﻚ ﻋﻨﺪﻣﺎ ﺗﺸﺎﺀ ﺳﻮﻑ ﻳﺸﻔﻰ ﺍﺑﻲ ﻭﻳﺮﺟﻊ ﺑﻴﺘﺮ ﻟﻠﺒﻘﺎﺀ ﻣﻌﻲ ﻓﻲ ﺍﻟﺒﻴﺖ . ﻫﻞ ﻣﻤﻜﻦ ﺍﻥ ﺗﺸﺎﺀ ﺍﻟﻴﻮﻡ ؟ " ﺛﻢ ﺗﺮﺟﻊ ﻣﺮﺓ ﺍﺧﺮﻯ ﺗﻘﺒّﻠﻪ ﻭﺗﻘﻮﻝ ": ﻳﺴﻮﻉ , ﺍﻋﺮﻑ ﺍﻧﻚ ﻣﺸﻐﻮﻝ ﺑﺒﺎﻗﻲ ﻃﻠﺒﺎﺕ ﺍﻟﻨﺎﺱ , ﺍﻛﻴﺪ ﻳﻮﺟﺪ ﻣﻦ ﻫﻮ ﺑﺤﺎﺟﺔ ﺍﻛﺜﺮ ﻣﻨﻲ . ﻟﺬﻟﻚ ﺍﻋﻄﻴﻚ ﻣﻬﻠﺔ ﺣﺘﻰ ﺍﻟﻐﺪ . ﻫﻞ ﻣﻤﻜﻦ ﺍﻥ ﺗﺸﺎﺀ ﻓﻲ ﺍﻟﻐﺪ ؟" ﻭﻫﻜﺬﺍ ﻛﺎﻧﺖ ﺗﻔﻌﻞ ﻛﻞ ﻳﻮﻡ ﺑﻼ ﻣﻠﻞ ﻓﻴﺴﻮﻉ ﻟﻦ ﻳﺮﻓﺾ ﻃﻠﺒﻬﺎ ﻛﻤﺎ ﻋﻠّﻤﺘﻬﺎ ﺍﻣﻬﺎ .
ﺳﺎﺀﺕ ﺣﺎﻟﺔ ﺍﻷﺏ ﺟﺪﺍً ﻣﻤﺎ ﺩﻋﺎ ﺍﻻﻃﺒﺎﺀ ﻋﻠﻰ ﻣﺼﺎﺭﺣﺔ ﺍﻷﻡ ﺍﻥ ﺍﻳﺎﻡ ﺯﻭﺟﻬﺎ ﻋﻠﻰ ﺍﻻﺭﺽ ﺑﺎﺗﺖ
ﻣﻌﺪﻭﺩﺓ . ﺟﻤﻌﺖ ﺍﻷﻡ ﻭﻟﺪﻳﻬﺎ ﻭﻗﺎﻟﺖ ﻟﻬﻤﺎ :
ﺍﺣﺒﺎﺋﻲ , ﺑﺎﺑﺎ ﺳﻮﻑ ﻳﺴﺎﻓﺮ ﻗﺮﻳﺒﺎ ﺍﻟﻰ ﺍﻟﺴﻤﺎﺀ ﻋﻨﺪ ﻳﺴﻮﻉ ." ﻗﺎﻃﻌﺘﻬﺎ ﻣﺎﺭﻱ:"ﻻ ,ﻻ ﺍﺭﻳﺪﻩ ﺍﻥ ﻳﺬﻫﺐ ﻟﻴﺴﻮﻉ , ﻓﻬﻮ ﻣﺸﻐﻮﻝ ﻃﻮﻝ ﺍﻟﻮﻗﺖ ﻭﺳﻮﻑ ﻳﻨﺴﻰ ﺍﺑﻲ ﻭﻳﺘﺮﻛﻪ ﻭﺍﻗﻔﺎً ﻋﻠﻰ ﺍﻟﺒﺎﺏ ﻳﻨﺘﻈﺮ". ﺛﻢ ﺭﻛﻀﺖ ﺍﻟﻰ ﺍﻳﻘﻮﻧﺔ ﻳﺴﻮﻉ ﻭﻗﺎﻟﺖ ﻟﻪ " :ﻟﻦ ﺍﺣﺒﻚ ﻭﻟﻦ ﺃﻗﺒِّﻠﻚ ﺑﻌﺪ ﺍﻟﻴﻮﻡ ." ﻭﻧﺎﻣﺖ ﺍﻟﺼﻐﻴﺮﺓ ﻭﻫﻲ ﺗﺒﻜﻲ ﻭﺗﻬﻤﺲ " ﻟﻦ ﺍﺣﺒﻚ ﻳﺎ ﻳﺴﻮﻉ , ﻟﻦ ﺍﺣﺒﻚ ﻳﺎ ﻳﺴﻮﻉ."
ﻓﻲ ﺍﻟﺼﺒﺎﺡ ﺍﻓﺎﻗﺖ ﻣﺎﺭﻱ ﻋﻠﻰ ﺍﺻﻮﺍﺕ ﺿﺤﻚ ﻭﻛﻼﻡ , ﻓﺎﺳﺘﻐﺮﺑﺖ ﺍﻻﻣﺮ .ﻷﻧﻬﻢ ﻛﺎﻧﻮﺍ ﻳﺤﺎﻓﻈﻮﻥ ﻋﻠﻰ ﺍﻟﻬﺪﻭﺀ ﺧﻮﻓﺎ ﻋﻠﻰ ﺭﺍﺣﺔ
ﺍﻟﻤﺮﻳﺾ . ﻓﻘﺎﻣﺖ ﻣﻦ ﻓﺮﺍﺷﻬﺎ ﻭﺫﻫﺒﺖ ﺣﻴﺚ ﺍﻻﺻﻮﺍﺕ ﻓﻮﺟﺪﺕ ﺍﻣﻬﺎ ﻭﺑﻴﺘﺮ ﻭﺍبيها ﻭﻗﺪ ﺍﺧﺘﻔﺖ ﻋﻼﻣﺎﺕ ﺍﻟﻤﺮﺽ ﻋﻨﻪ . ﻭﻗﺒﻞ ﺍﻥ ﺗﺴﺄﻝ ﻗﺎﻝ ﻟﻬﺎ ﺍﻷﺏ " :ﺗﻌﺎﻟﻲ ﻳﺎ ﺻﻐﻴﺮﺗﻲ , ﺟﺎﺀﻧﻲ ﻃﺒﻴﺐ ﻓﻲ ﺍﻟﻠﻴﻞ ﻭﻟﻤﺲ ﺭﺃﺳﻲ ﻭﻗﺎﻝ ﻟﻲ ﻗﻢ ﻭﻗﻞ ﻟﻤﺎﺭﻱ "ﻟﻘﺪ ﺷﺌﺖ ... ﻭﻻ ﺑﺄﺱ ﺍﻥ ﻟﻢ ﺗﺤﺒﻨﻲ ﺑﻌﺪ ﺍﻟﻴﻮﻡ ﻓﺎﻧﺎ ﻗﺪ ﺍﺣﺒﺒﺘﻬﺎ ﺣﺘﻰ ﺍﻟﻤﻮﺕ ﻭﺳﺄﻇﻞ ﺍﺣﺒﻬﺎ . ﻗﻞ ﻟﻬﺎ ﺍﻳﻀﺎً ﺍﻧﺎ ﺷﺌﺖ ﻣﻦ ﺯﻣﺎﻥ ﻟﻜﻨﻲ ﻛﻨﺖ ﺍﻧﺘﻈﺮ ﻗﺒﻼﺗﻬﺎ ﻭﺍﺟﻤﻊ ﺍﻛﺒﺮ ﻋﺪﺩ ﻣﻨﻬﺎ ﻟﻬﺬﺍ ﺗﺄﺧﺮﺕ " ﻓﺮﻛﻀﺖ ﻣﺎﺭﻱ ﺍﻟﻰ ﺍﻳﻘﻮﻧﺔ ﻳﺴﻮﻉ ﺗﻘﺒّﻠﻬﺎ ﻣﺮﺍﺭﺍ ﻭﻫﻲ ﺗﻘﻮﻝ " : ﺍﺣﺒﻚ ﻳﺎ ﻳﺴﻮﻉ ,ﺍﺣﺒﻚ ﻳﺎ ﻳﺴﻮع.
صلوا لكى يستجيب الرب لصلواتنا وطلباتنا

تأمل فى تنقيه الفضة

استخراج الفضة

اجتمعت بعض السيدات لدراسة سفر ملاخي، وعندما وصلن إلى الآية الثالثة في الأصحاح الثالث «فيجلس ممحصًا ومنقيًا للفضة»، تأملن ماذا يمكنهن أن يعرفن من تلك الآية عن صفات الله.
فتبرعت إحداهن أن تبحث في عملية تمحيص وتنقية الفضة، وتوافيهن في الاجتماع القادم، فاتصلت بأحد صناع الفضة، وطلبت منه أن تراقبه وهو يعمل، ولم تذكر له سببًا سوى أنها تريد أن تعرف كيف تنقى الفضة.
وبينما هي تراقبه، أخذ الصانع قطعة من الفضة ووضعها في وسط النار للتسخين، وشرح لها أنه يضع الفضة في المنطقة الأكثر سخونة في اللهب، وذلك ليحرق الشوائب.
وفكرت المرأة... إن الله يضعنا أينما كان «اللهب أكثر سخونة». ثم تذكرت عبارة أنه «يجلس ممحصًا ومنقيًا للفضة». فسألت الصانع: «هل حقيقي أنك لا بد أن تجلس أمام النار وأنت تنقي الفضة؟»
فأجابها الصانع: «ليس فقط أن أجلس ممسكًا بالفضة بل يجب أن أراقبها أيضًا جيدًا طوال الوقت لأنها لو تُركت دقيقة أطول في النار تفسد».
سكتت المرأة برهة وسألته: «وكيف تعرف أن الفضة قد صارت مُمحصة ومُنقاة تمامًا؟» فابتسم الصانع وقال: «هذا سهل يا سيدتي... عندما أرى صورتي فيها».
إذا شعرت اليوم بحرارة النار... تذكر أن الله لن تغيب عيناه عنك ولن يتركك دقيقة أطول... إنه قريب منك ويراقبك باهتمام منتظرًا أن ينظر صورته فيك.
«إلى أن يتصور المسيح فيكم» (غل4: 19).
صديقى العزيز
ربما يسمح لك الرب بامتحان او بمرض او.........الخ الهدف لكى ينقيك وتكون بلا لوم امام اللة
1 كو 10: 13لم تصبكم تجربة الا بشرية.ولكن الله امين الذي لا يدعكم تجربون فوق ما تستطيعون بل سيجعل مع التجربة ايضا المنفذ لتستطيعوا ان تحتملوا.

المفتاح فى يدك 'قصص مسيحية"

🗝🔑المفتاح في يدك !!!

عادت السيدة متأخرة إلى المبنى الذي كان يُعقد فيه مؤتمر تحضره، فوجدت الباب الخارجي موصداً.🚪

ضغطت على الجرس عدة مرات فلم تجد رداً، قرعت الباب بيديها وليس من مجيب،🚪

فبدا لها أن جميع من في المبنى إما ناموا أو موجودون بعيداً عن الباب. 🚪

احتارت السيدة: ماذا تفعل وقد مر أكثر من ربع الساعة وهي تحاول الدخول دون جدوى؟

وزاد من هلعها أن الوقت قد صار متأخراً. ⏰

⏰ مرت الدقائق وكأنها دهر، بطيئة ثقيلة، ودموعها على خديها، والجو بارد، وهي لا تعرف ماذا تفعل. 🤷🏼‍♀

🙋🏻‍♂ وبعد فترة ظهر رجل عائد هو الآخر إلى المبنى، ما أن قابلها حتى سألها إن كان يمكنه أن يساعدها.

أجابته بحالها، 🤷🏼‍♀

فسألها الرجل: وهل لم تتسلمي من منظمي المؤتمر مفتاح الباب. 🔑📖

أجابت: كلا، بل سلموني مفتاح حجرتي فقط. 🔑

سألها الرجل: ألم تتسلمي شيئاً آخر؟ 📖

أجابته: لم أستلم سوى هذا المفتاح وكتيب صغير للتعليمات. 🔑📖

ابتسم الرجل مشفقاً وأجابها: 🙋🏻‍♂

يا سيدتي، يبدو أنك لم تقرأي كتيب التعليمات الذي تسلمتيه،

فمفتاح حجرتك يمكِّنك أيضاً من فتح الباب الخارجي، وهذا مذكور بوضوح في كتيب التعليمات. 🔑🚪

لقد كان المفتاح في يدك، لكنك لم تستعمليه! 🔑👍🏻📖

صديقي،

لقد قاست هذه السيدة وقتاً عصيباً، لأنها لم تكلف نفسها أن تقرأ كتيب التعليمات! 📖

وكم نكلِّف نحن أنفسنا عناءً ومشقة عندما لا نواظب على قراءة الكتاب المقدس 📖 على اعتبار أنه تعليمات الله لنا.

ألا تشاركني أنه ما أغرب أن نقف أمام باب موصد، في حيرة من أمرنا، وبيدنا المفتاح 🔑

(الإنجيل ) 📖

وليت شعارنا يكون «سراج لرجلي كلامك ونور لسبيلي» 📖 (مزمور119: 105).

🌹صباح الخير 🌹

ارجعى إلي

ارجعي إليَّ
----------------

عاشت ماريا، هذه الأرملة الشابة، في إحدى قرى البرازيل. توفّى زوجها وهو في ريعان شبابه، تاركا لها طفلة اسمها كرستينا. كانت هذه الأرملة الشابة وابنتها، يسكنان في غرفة متواضعة. فكانت هذه الأم تعمل في تنظيف البيوت، رافضة كل عروض الزواج التي قُدمت لها، إذ كان جُلّ همها أن تعمل بجدٍ ونشاط لكي تعيل نفسها وابنتها كرستينا.
مرت الأعوام، وكبرت كرستينا وأصبحت شابة جميلة جدًا، ذات روح خفيفة وابتسامة جذّابة. حام حولها الشباب بكثرة، لكنها لم تبالِ بأي منهم، بل كانت تتكلم باستمرار عن حلمها أن تذهب وتعيش في المدينة الكبيرة ريو دى جانيرو Rio de Janeiro.
كانت الأم في قلق مستمر من هذا الأمر، وكانت تقول لابنتها "يا حبيبتي، ماذا ستفعلين هناك؟ فأنت لا تعرفين أحدا، فيترصد لك رجال السوء، ويعاملونك بقساوة، ليسلبوك شبابك، ويتركونك عندما لا ينتفعون منك". كان قلب تلك الأم يفيض بالخوف على ابنتها، لأنها علمت شرور تلك المدينة، وما قد يحدث لابنتها هناك.
ذات يوم، عادة الأم، لتجد سرير ابنتها فارغًا، وخزائنها كذلك. فلا شك بأن ابنتها، رحلت إلى تلك المدينة الغريبة.
أسرعت تلك الأم، ووضعت بعض الثياب في حقيبة صغيرة، وهي تجري إلى محطة القطار والدموع تملأ عينيها. اشترت تذكرت القطار، ثم أنفقت تلك الأم كل ما بقي لديها من المال في آلة التصوير الأوتوماتيكية. آخذت لنفسها العشرات والعشرات من الصور إلى أن نفذ كل مالها.
أخذت ماريا القطار وشرعت تكتب كلمات قليلة في خلف كل من تلك الصور. كتبت نفس الرسالة عشرات المرات، وعيونها تمتلئ بالدموع.
وصل القطار إلى ريو دى جانيرو، فنزلت ماريا وطافت تبحث عن ابنتها، لكن من غير جدوى، بحثت عليها في كل مكان، أخيرا... أخذت تسير من خمّارة إلى خمارة، وتلصق في كل مكان إحدى صورها،
ثم ذهبت إلى الفنادق ذي السمعة السيئة، وفي كل مكان ذهبت إليه تلك الأم، لصقت صورها على لوحة الإعلانات. بعد أيام قليلة، وزعت ماريا كل صورها، فعادت حزينة إلى قريتها وقلبها مكسور في داخلها.
مرت الأسابيع... وذات صباح نزلت كرستينا السلالم في أحد الفنادق السيئة. لم تعد لديها تلك الابتسامة الضاحكة، بل أصبحت عيناها تحكي قصة حزن وشقاء، وجسدها، يحكي قصة الذل والهوان.
وبينما هي في رواق الفندق، وقعت عيناها على صورة أمها على الحائط. امتلأت عيناها بالدموع وهي ترفع الصورة. مسكت تلك الصورة في يديها وهي ترتجف، ثم قلبت تلك الصورة، وإذ بهذه الكلمات مدوّنة عليها..." يا حبيبتي
لا يهمُ ماذا فعلتِ، أو كيف أصبحتِ. أرجوكِ، ارجعي إلي. ارجعي إلى بيتكِ" لم تحتاج كرستينا إلى دعوة أخرى، بل في تلك الساعة عينها رجعت إلى بيتها وأمها.
يقول الرب في الكتاب المقدس: قد محوت كغيم ذنوبك وكسحابة خطاياك. ارجع إليَّ لأني فديتك.
صديقي، إن الرب يقول لك اليوم ارجع إليّ. لا يهم ما فعلت، أو كيف أصبحت. إن الرب يسوع قد فداك على الصليب، دافعًا جزاء كل خطاياك. لذلك يقول ارجع إليّ، لأني قد محوت كغيم ذنوبك وكسحابة خطاياك.(اش 22:44) كما أن الغيم والسحاب الذين تراهما الآن، لن يكونا غدًا، هكذا الرب يمحو خطاياك، إذا رجعت إليه بقلب تائبًا معترفًا.
وكما قال الرب يسوع بفمه المبارك: لان ابن الإنسان قد جاء لكي يطلب ويخلّص ما قد هلك. نعم لهذا السبب قد جاء المسيح، وهو لا يزال يقول لك اليوم:
"ارجع إليّ لأني فديتك".(اش22:44)

الأمرأة الفقيرة والإيمان البسيط

الامرأة الفقيرة

امرأة فقيرة ذات ملابس حقيرة وعلى وجهها نظرة منكسرة ، ذهبت لمتجر بقالة .

واقتربت من مالك المتجر فى إتضاع شديد ، وسألته لو كان من الممكن أن يسمح لها بأخذ بعض مواد البقالة ، وشرحت له مباشرة كيف أن زوجها مريض جداً وغير قادر على العمل فى هذا الوقت ، ولكن أبنائهم سبعة ويحتاجون للطعام ، تهكم صاحب المتجر جون لونجهاوس عليها وطلب منها أن تترك المتجر وهى مدركة مقدار احتياج أسرتها ،
فقال لها جون لونجهاوس أنه لا يقدر أن يعطيها بالأجل ، لأنها ليس لها حساب فى المتجر وكان هناك زبون يقف بالقرب من المكتب ويسمع المحادثة بين الاثنين .
فتقدم للأمام وقال لصاحب متجر البقالة أنه سيسدد ثمن كل طلبات هذه السيدة . فى اشمئزاز وتهكم قال صاحب المتجر للسيدة هل لديك قائمة بالطلبات ؟
فقالت السيدة لويز نعم يا سيدى ، فقال لها ' ضعى هذه القائمة على كفة الميزان ومهما كان وزنها ، فسأعطيك مواد بقالة مماثلة لوزنها فى الكفة الأخرى !!!!!.
ترددت السيدة لويز للحظات ورأسها منحنى ، ثم بحثت فى كيسها وأخذت قطعة من الورق وكتبت عليها . ثم وضعت قطعة الورق على كفة الميزان بمنتهى العناية ورأسها ما زال منحنياً .
وهنا أظهرت عيون صاحب المتجر والزبون اندهاشاً عندما نزلت كفة الميزان التى وضعت السيدة فيها الورقة لأسفل وبقيت هكذا !!! وراح صاحب المتجر يحملق فى الميزان ، ثم استدار ببطء ناحية الزبون الواقف وقال فى سد ' أنا غير قادر على تصديق ما يحدث '.
ابتسم الزبون بينما راح صاحب المتجر فى وضع المؤن فى الكفة الثانية من الميزان ، ولكن الكفة الأخرى من الميزان لم تتحرك ، فأستمر فى وضع بضائع أخرى حتى امتلأت كفة الميزان تماما.
وهنا وقف جون صاحب المتجر وكله > تقزز واخيراً تناول الورقة الموضوعة فى كفة الميزان الأخرى ونظر إليها باندهاش شديد .
فوجدها أنها لم تكن قائمة طلبات بقالة ، ولكنها كانت صلاة تقول ' ربى العزيز ، أنت تعلم كل احتياجاتى ، وأنا أضعها بين يديك الأمينتين ' .
أعطى صاحب المتجر البضائع التى جمعها فى كفة الميزان الأخرى للسيدة لويز . ثم وقف صامتا كالمصعوق !!!!.
شكرته لويز وخرجت من المتجر وهنا قدم الزبون مبلغ 50 دولاراً لجون صاحب المتجر وهو يقول له ' أنك تستحق كل بنس فيها ' .
فى وقت لاحق اكتشف جون لونجهاوس صاحب المتجر أن الميزان مكسور !!!
لذلك فالله وحده هو الذى يعلم كم تزن هذه الصلاة عندما تصلك هذه الورقة أرجوك أن ترفع صلاة فورية من أجل من أعطاك إياها ، ثم أعطها أنت لآخرين .
فالصلاة من أحسن الهبات المجانية التى أعطيت لنا .
لا تهتموا بشيء بل في كل شيء بالصلاة و الدعاء مع الشكر لتعلم طلباتكم لدى الله ( رسالة الى اهل فيلبي 4 : 6 )

طريق الرجوع إلى الله

الطريق الى البيت (الرجوع إلى الله الأب )

اليك العناصر الأساسية التي من خلالها نتصالح من الآب. كل عنصر هو حيوي و مهم. غياب احد هذه العناصر يمنع علاقتنا الجديدة هذه من الاكتمال.

حالتنا: أولا، علينا ان نفهم بأننا منفصلين عن الله. ان الهوّة التي تفصلنا عميقة و عريضة. لقد ورثنا عيباً قاتلاً عند الولادة و نتيجة لذلك عشنا حياتنا باستقلالية الله. ان الكتاب المقدس يؤكد هذه الحقيقة الصعبة:
"اذ الجميع اخطأوا و أعوزهم مجد الله" (رومية 3:23). فإذا لم نفهم و ندرك حقيقة ان الخطية تفصلنا عن الله، لن نستطيع ابداً ان نعود الى البيت روحياً لأنه ليس هنالك حاجة الى مخلص.

علاج الله: ثانياً، علينا أن نفهم بوضوح من هو يسوع و ماذا قد عمل من أجلنا حتى نتمكن من وضع إيماننا بثقة فيه. لقد جسّر الهوة التي تفصلنا عن الله. في أنجيل يوحنا تقول الكلمات: "لانه هكذا احب الله العالم حتى بذل ابنه الوحيد لكي لا يهلك كل من يؤمن به بل تكون له الحياة الابدية" (يوحنا 3:16).

لم يكن يسوع رجلا صالحا، و معلما عظيما، و رسولا أوحي له فحسب بل جاء الى الارض كإبن الله. ولد من عذراء، و قاد حياة خالية من الخطية. و مات، و دفن، و قام في اليوم الثالث. و صعد الى السماء و أصبح هو الله و المسيح معاً.

موت و قيامة يسوع نيابة عنّا قد أتم متطلبات الله – التسديد الكامل عن خطايانا. يسوع هذا، و هو وحده فقط كان المؤهل لعلاج خطيتي و خطيتك.

تجاوبنا :  ان نتوب و نؤمن.

ان التوبة الشخصية أمر هام في عملية التغيير. التوبة حرفياً تعني: "تغيير الذهن" و هي ان تقول للآب "اني اريد ان أتحوّل نحوك بعيداً عن حياتي التي كنت أحياها مستقلاً عنك. أنا أعتدر عن الشخص الذي كنته في الماضي و الأمور التي فعلتها، و أريد تغييراً دائماً. فأنا استقبل و اقبل غفرانك لخطاياي".

العديد من الناس يختبرون عند هذه النقطة "غسيل" ملحوظ  من التراكمات على مدى حياتهم و التي من شانها ان تقلل من قيمة الشخص نفسياً و روحياً. سواء شعرنا ام لم نشعر بغفران الله، فإذا تبنا فعلينا ان نكون متأكدين بأنه قد غفرت خطايانا. فإن ثقتنا تعتمد على وعد الله لنا، و ليس على شعورنا و إحساسنا.

نأتي الى علاقة شخصية مع الله عندما نتخذ أهم و أعظم قرار في حياتنا – نقطة التحوّل التي اشرنا إليها سابقاً. و هي ان نؤمن بأن المسيح هو إبن الله، الذي مات من أجل خطايانا، و دفن و قام من الموت – و ان نقبله كمخلصنا و ربنا. عندما نؤمن بهده الطريقة نصبح أولاد الله. و هذا الوعد بالتحديد في انجيل يوحنا "و اما كل الذين قبلوه فأعطاهم سلطانا ان يصيروا أولاد الله اي المؤمنون باسمه"  (يوحنا 1:12).

هل تود ان تقبل يسوع المسيح كمخلص شخصي لك؟، اذا اردت ذلك يمكنك ان تصلي صلاة كهذه:

"يسوع، اني احتاجك، أتوب عن حياتي التي عشتها بعيداً عنك و اشكرك لأنك مت على الصليب من أجل خطاياي. أنا أؤمن بأنك ابن الله و انا أقبلك كمخلصي و سيدي. و انا التزم ان اتبعك في حياتي.

هل صلّيت هذه الصلاة؟

نعم لا
الطبيعة الجدي

السحر الأسود والعفاريت وتناسخ الأرواح والجان فى المسيحيه

 العفاريت و الأشباح و الأرواح النجسة و الشياطين و السحر الاسود و المارد و تحضير الأرواح و الأعمال و التنجيم و الأبراج و حظك اليوم إلخ ..
(((( + موضوع شامل + ))))

** هل المسيحية تؤمن بوجود الكيانات دي ؟؟ هل فيه إختلاف ما بينها ؟؟ هل لها تأثير على الإنسان ؟؟ هل إستخدامها خطية ؟؟ أسئلة كتير أوي أوي .. هنلخص الموضوع في كام نقطة نركز فيهم ..

+ (1) إيه هو الجن و الجان ؟؟ و الشبح ؟؟ و العفريت ؟؟ و القرين ؟؟ و المارد ؟؟ فيه إختلاف بينهم ؟؟
مفيش حاجة في المسيحية إسمها ( جن أو جان ) .الترجمه العربى بس فيها. مفيش روح كافر أو روح مؤمن يعني مفيش جن طيب زي جني المصباح بتاع علاء الدين ولا جن شرير زي عادل إمام لما كان بيطلع ليسرا !! احنا بنؤمن فقط بوجود الأرواح الشريرة (( الشيطان و جنوده )).. و الشيطان عندنا بدون شك كلنا عارفين إنه كان ملاك عظيم و سقط نتيجة لغروره و كبريائه " كيف سقطت من السماء يا زهرة بنت الصبح كيف قطعت إلي الأرض يا قاهر الأمم وأنت قلت في قلبك أصعد إلي السموات أرفع كرسي فوق كواكب الله… أصعد فوق مرتفعات السحاب أصير مثل العلي لكنك انحدرت إلي الهاوية إلي أسافل الجب" .. إذن ربنا كلي الصلاح لم يخلق طبعا هذا الكائن ذو الأصل الشرير !!
إذن مملكة الشيطان منها تخرج كل المسميات دي .. مفيش بقى جان ولا دي روح شخص مقتول أو أرواح منتقلين إلخ ... هم ممكن ياخدوا أشكال خيالات أو أصوات أو حتى اشكال ملائكة ..
و هنا من بعض مصادر الآباء الأولين بيقولوا .. اجتهد بعض علماء الروحيات في تصنيفهم .. يعني كلمة العفاريت دي إشارة للشياطين اللي بيقدروا ياخدوا أشكال مخيفة و يولعوا النار و يؤذوا الأشخاص جسديا زي الأنبا أنطونيوس .. أو القصة في بستان الرهبان .. عن الراهب اللي الشيطان اتخذ شكل صخرة و اسقطه على الأرض .. و القرين إنه شيطان بيفضل ملازم الشخص زي ملاكه الحارس و يحاول يهلكه .. و المارد إنه شيطان المس الجسدي اللي بيأذي الجسد بأمراض .. إلخ .. لكن الحقيقة عدم وجود سند كتابي للمسميات يخلينا نقول إنه ببساطة شديدة .. كلها من مملكة الشيطان و جنوده و أتباعه .. و محدش منهم يقدر يأذي إلا بسماح من ربنا زي ما هنفهم في الأسئلة الجاية ..

+ (2) هل الأرواح دي تستطيع إنها تسكن جسد إنسان ؟؟

أيوة .. تقدر تحل روح شرير في شخص و تسبب له آلام نفسية و جسدية .. و الدليل على كدة تأكيدات السيد المسيح بمخاطبته الأرواح النجسة في الكتاب المقدس و سلطانه عليها و إخراجها بكلمة من فمه .. " و لما صار المساء قدموا إليه مجانين كثيرين فأخرج الأرواح بكلمة و جميع المرضى شفاهم " ...
" و حدث بينما كنا ذاهبين إلى الصلاة أن جارية ((بها روح)) عرافة استقبلتنا "

+ (3) طيب انا اخاف إن معنى كدة إن الأرواح دي تقدر تسكن روح أي حد حتى لو مؤمن ؟؟ ((( أهم سؤال و إجابته طويلة شوية )))

" روح الحق الذي لا يستطيع العالم أن يقبله لأنه لا يراه ولا يعرفه و أما أنتم فتعرفونه لأنه ماكث معكم و يكون فيكم "
إذن روح الله يسكن فينا كمؤمنين .. هينفع يسكن الشيطان معاه ؟؟ طبعا طبعا مينفعش ..
و مفيش آية بتطلب إخراج الأرواح الشريرة من المؤمنين !!
بل بالعكس المؤمن هو اللي ليه سلطان يخرج الروح دي .. بدليل كلام الرب لتلاميذه ..
" اشفوا مرضى .. طهروا برصا .. أقيموا موتى .. أخرجوا شياطين "
و مننساش كمان " و أما هذا الجنس لا يخرج إلا بالصلاة و الصوم " ..
إذن صوم + صلاة + إيمان = تخليك تخرج الروح النجس من شخص باسم المسيح ..
هل يبقى منطقي في وجود ال3 عناصر دول في حياتك إن الروح دي تتسلط على روحك إنت ؟؟
و عشان نفرق بين المرض النفسي و مس الشيطان و سكنى الشيطان للإنسان ... نفرق بين ..
1- تملك الشيطان و سيطرته على ((روح)) شخص .. بأن يسكن فيه .. نتيجة تسليم الشخص ده روحه للشيطان ... ( أقرب مثال عندنا عبدة الشيطان مثلا و السحرة و غيرهم .. ) و طبعا فيه تفاوت في درجة التملك دي .. زي قصة ( لجئون ) .. و هنا بيبان أوي إن الشيطان بيثور أكتر في وجود ربنا .. و كان بيحصل كدة بمجرد اقتراب الشخص من يسوع .. " ما لنا و لك يا يسوع الناصري .. هل أتيت لتهلكنا ؟؟ "
2- تسلط الشيطان على (( جسد و نفس شخص )) بسماح من ربنا .. بنقول عليه ( مس شيطان ) .. زي المراة المنحنية اللي الشيطان ربطها 18 سنة .. و ممكن نتيجة خطية بسيطة أو إن المؤمن وارب الباب للشيطان بأي طريقة أو بعد عن الصلاة و الصوم .. هنا ممكن الروح تتسلط جزئيا على جسد المؤمن و عقله لكن ليس على روحه .. و بتبعد بمجرد التوبة .... زي أيوب مثلا كان عنده ثغرة و هي انه كان بار في عيني نفسه .. فحصل له مس من الشيطان في جسده .. و ربنا كمان منع الشيطان إنه يمد يده لنفسه لما طلب منه ده .. و ممكن يكون الهدف مصلحة الشخص و هدف أعمق لربنا زي الشاب اللي أبوه راح للمسيح قاله ابني متبهدل و بيرمي نفسه في النار و لما وديته لتلاميذك مقدروش يشفوه .. فانتهر الشيطان و خرج في الحال .. و قال للتلاميذ كنتوا تقدروا تخرجوه لو كان فيكم إيمان .. و كان الهدف تثبيت الإيمان و التأكيد عليه إنه ينقل الجبال .. و نلاقي ربنا في قصة تانية يقول .. إذهب لأهلك و بيتك و أخبرهم كم صنع بك الرب و رحمك ..
3- فيه حالة تانية الشيطان ملوش دور خالص .. و ده مرض نفسي بمعنى اضطراب عقلي و خلل في الوظائف المعرفية و السلوكية لشخص ما .. نتيجة لعوامل كتير بيتم معالجتها طبيا .. و الفرق بيكون واضح جدا مع الحالات اللي فوق دي ..

+ (4) هل فيه حاجة إسمها إن شيطان يتزوج من إنسان ؟؟ نسمع إن فيه مارد بيحب بنت مثلا و يمنع العرسان من إنهم يتجوزوها عشان هو نفسه يتجوزها ؟؟

:D
طبعا مفيش الكلام ده نهائي .. الشياطين أرواح .. ملائكة و سقطت .. و نشوف تأكيد إن الأرواح ملهاش زواج من الآية دي ..
" لأنهم في القيامة لا يزوجون ولا يتزوجون، بل يكونون كملائكة الله في السماء "
لكن الشيطان يقدر ياخد أي شكل سواء خيالات نترجمها إحنا و نقول أشباح .. و نفتكر هنا التلاميذ لما شافوا المسيح ماشي على المياه ظنوه أنه شبح .. و الخيالات دي ممكن ياخدها الشيطان لأهداف متنوعة زي قصص كتير في بستان الرهبان .. بل ممكن ياخد وضع جسدي و يضرب و يأذي .. و كمثال القامة العالية للأنبا انطونيوس اللي وصلت غيرة الشياطين منه إنهم ضربوه جسديا .. إذن برضه الشيطان يقدر ياخد شكل رجل أو إمرأة و يظهر للشخص الخاطي اللي سلم روحه ليه بإرادته عشان يشعل الخطية جواه و ممكن إنه ده يوصل لدرجة مادية لدرجة إنه يقنعه إنه كدة متزوج من شخص من الجان مثلا !! .. لكن طبعا ده مجرد تضليل و ملوش أي علاقة بالزواج الفعلي ..

+ (5) الكتب المقدس كان فيه سحرة كتير ذكروا .. إيه هو السحر ؟؟

مكتوب :
" لا يوجد فيك من يجيز ابنه او ابنته في النار ولا من يعرف عرافة ولا عائف ولا متفائل ولا ساحر .. ولا من يرقي رقية ولا من يسال جانا أو تابعه أو يستشير الموتى .. لأن كل من يفعل هذا .. مكروه عند الرب "

إذن ممنوع أي شكل من قراءة الكف أو قراءة الفنجان أو حظك اليوم و (( الأبراج )) !!! أو الأحجبة و التمائم و تحضير الأرواح أو التفاؤل و التشاؤم السحر عموما .. أيوة كل ده خطية كبيرة .. و الشخص ده مكروه من الرب !!
في السحر الشخص اللي بيستخدمه بيدي السلطة للشيطان و بيستخدم قوة أرواح شريرة بأي شكل للتأثير على حياته أو حياة آخرين !!
لكن لازم نفهم الأول إن فيه فرق بين الدجل و السحر و خفة اليد ..
الدجل ده نصب بيستخدمه بعض الأشخاص ملهمش أي علاقة بأي حاجة لكن عايزين يكسبوا فلوس و خلاص بإنهم يوهموا الناس بقدرتهم على التواصل مع الشياطين ( نصب و خطية في أبشع صورها ) .. و نديله مثال تفتكره إنه واحد كدة زي الدجال في فيلم جاءنا البيان التالي ..
خفة اليد يعني الخداع البصري و الحركات المتقنة اللي بيعملها البلياتشو مثلا في بعض فقرات السيرك و ده مش سحر ولا خطية هو entertainment ليها و عليها لكن منقدرش نعتبرها خطية ..
أما السحر فهو شخص بيستخدم قوة الشيطان عن طريق طلاسم و أحجبة و أعمال و ما إلى ذلك و بيكون متعاقد مع الشيطان وواهب روحه ليه .. أما اللي بيستخدم السحر و يصدق فيه فهو بكدة بيسلم إرادته و بيخضع لقوة الشيطان !! و بيتجاوز مشيئة ربنا في حياته !! و الساحر هنا زي سيمون الساحر اللي بان ضعفه و زيفه قصاد فيلبس .. و الساحر باريشوع اللي لقب بإنه نبي كذاب ..
و فيه ناس بتقسم السحر ل((سحر إسود)) عن طريق طلاسم و سحرة و أحجبة و أعمال و رش المية عل عتبة إلخ و كل اللي بيعمل كدة مكروه طبعا عند ربنا بل بيرفض عمل روح الله و يقبل ((عمل)) الشيطان .. و ((سحر أبيض !!)) و هو أخطر و أشد خبثا على شكل مزامير أو كتاب مقدس أو صلوات بطريقة معينة أو أحلام و رؤى كاذبة أو رسائل الإنترنت .. و بحذركم من استخدام كتاب ( *** ***** ) حتى لو بغرض النفع سواء باستخدام مزامير او طلاسم .. لأنه نهايته هوة سحيقة و ضلال و طريق صعب أوي الرجوع منه .. إوعى يبقى سبب صلاتك إن يظهر لك ملاك أو قديس !! إنت بتصلي لربنا و بس .. و تتشفع بملائكته و قديسيه شفاعة توسلية .. أما غير كدة حرب من الشيطان .. و يفضل عدم التبخير برضه في المنزل غير بخور الكاهن .. و ده مدخل للشيطان للأسف عشان يخلي المؤمنين يستخدموا السحر و يقعوا في الخطية المكروهة الكبيرة دي من غير ما يفهموا إنه غلط .. و الكتاب هنا بيقول :
" أألم تروا رؤيا باطلة , و تكلمتم بعرافة كاذبة قائلين وحي الرب و أنا لم أتكلم ؟؟"
و بيقول برضه
" لم أرسلهم و لا أمرتهم و لا كلمتهم . برؤيا كاذبه و عرافه و باطل و فكر قلوبهم هم يتنبأون لكم "

+ (6) طيب إيه هو تأثير السحر و قوته .. و هل ممكن يؤذي شخص ؟؟

حسب قامة الإنسان الروحية .. لو كان غير تائب .. و تجرد من الاسلحة الروحية .. و بقى لوحده في مواجهة الشيطان و كانت حياته في استهتار شديد !!
ممكن يكون له تأثير في حالة كان الشخص ده مبيحصنش نفسه ولا بصوم ولا صلاة و لا تناول بإستمرار .. و كان فاتح و موارب الباب للشيطان بحياة استهتار او خطية ..
ممكن يتسبب في مس جسدي بقى على شكل سقوط على الأرض و تمرغ .. اغماء اثناء الصلاة ثم عودة بعد نهايتها .. تنميل في أماكن معينة في الجسم أثناء الصلاة .. ألم شديد في المفاصل و اجهاد شديد بدون سبب .. ارتيكاريا و هرش مستمر .. صداع مستمر بيبقى اثناء الصلاة بس .. بكاء حاد .. زوغان العينين .. ضيق تنفس مستمر .. التفكير في الإنتحار .. غضب و عصبية شديدة .. كوابيس مستمرة .. إضطرابات في الدورة الشهرية عند النساء بدون سبب طبي .. الربط الجنسي و فقدان الرغبة الجنسية عند المتزوجين .. أو الإفراط غير الطبيعي .. فقدان الشهية .... محبة شخص غير مرغوب فجأة .. كراهية شخص محبوب فجأة .. خوف شديد يأدي لعدم النوم .. أرق مستمر .. خيالات و هلاوس مستمرة .. فشل عملي مستمر .. غيرهااا ..
طبعا طبعا كل ده بدون سبب طبي واضح ... لأن هنا لازم يتم التأكد من الناحية الطبية أولا لأن كل الأعراض دي قد تكون لامراض جسدية بالفعل .. يعني لما الطب بيقول لا مفيش سبب و مفيش في إيدينا حاجة .. بنبدأ لاستشارة المرشد الروحي لأخذ خطوة أخرى .. غير كدة لازم نلجأ للطب أولا ..
و فيه أضرار روحية بقى .. إن المسحور ده بيتمادى في الخطية نظرا ليأسه .. أو إنه الأسوأ يتجه لحل السحر بالسحر و يلجأ للمشعوذين ..

لكن عايزين نقول إن السحر في المقام الاول بيهلك منفذه ... و بيؤذي اللي نظريا مستفيد منه بشكل أكبر .. اما اللي السحر موجه له .. فينطبق عليه نفس الكلام الخاص بتأثير الأرواح النجسة .. في نقطة رقم (3 )

بيقول القديس كيرلس الاورشليمي : لا تذهب وراء هذه الأمور : العرافه , الفأل , التمائم , التعاويذ المكتوبه , السحر , و ما شابه ذلك لأنك لو انسقت اليها بعد ان تكون قد جحدت الشيطان ( في المعموديه ) و تبعت المسيح فستجد المستبد ( الشيطان ) أكثر مراره . و هكذا تسلب من المسيح ليعمل فيك الشيطان ..

+ (7) طيب إيه مدى صدق الفنجان و الكف و الطالع و الودع و التفاؤل و التشاؤم و رسائل الإنترنت اللي لو مبعتهاش لميت واحد تموت و التعاويذ لاستمالة المحبوب إلخ ؟؟

الشيطان له قدرة على معرفة الحاضر و الماضي فقط .. لكن ليس له قدرة على معرفة المستقبل .. و نلاقي الشيطان فضل لغاية موت المسيح على الصليب مش متأكد برضه إنه هو المسيح .. لكن هو عن طريق إستنتاجات من الحاضر يقدر يتوقع المستقبل بنسبة معينة ..
مثال : واحدة قرأت الكف لنت و قالتها جايلك عريس .. بيكون الشيطان عرف من كلام في بيت العريس أو على لسانه إنه هيتقدم لفلانة الفلانية .. إلخ

و هنا بلاش تتلخبط بين اللي بيستخدم العرافة و بين بعض القديسين اللي كان ليهم موهبة النبؤة نتيجة عمل الروح القدس اللي تم تثبيته فيهم بسر الميرون .. و دول بيعمل فيهم الروح بشدة نتيجة حياة جهاد متكاملة و شديدة زي البابا كيرلس السادس مثلا و بيكشف لهم الله اللي عايز يكشفه فقط.. و أكيد الفرق واضح .. و هنا الكتاب بيقول :
" أمتحنوا الأرواح (لتروا) هل هي من عند الله "

أما التفاؤل برؤية حمامة أو بتيشيرت معين أو التشاؤم برقم 13 أو الشبشب المقلوب :D أو بدلق القهوة أو الملح أو إنك تعدي تحت سلم أو انك تشوف قطة سوداء أو عينك ترف = خرافااات طبعا ..
التعاويذ لاستمالة المحبوب أقدر أكتبهالكم هنا لكن لتأكدي إن البعض هيحاول يستخدمها حتى لو على سبيل السخرية مش هكتبها .. طبعا ملهاش تأثير مفيد ولا ضار .. إلا لو تم التعاقد مع الشيطان بالدم .. و طبعا صعب جدا و عايز معجزة حقيقية لانهاء لعنته .. زي القصة اللي بنقراها في حياة البابا باسيليوس و المعجزة العظيمة اللي عملها بفك عقد دم بالصوم و الصلاة ..
اما رسائل الإنترنت من نوعية إبعت الرسالة دي لعشر اشخاص و إلا تموت كأن ربنا أو القديس اللي في الرسالة أو العدرا هيهددك عشان تنشر قصة او آية ..

كل دي خطايا .. طبعا ..

+ (8) إيه بقى تحضير الأرواح ده ؟؟ و روح مين اللي بيحضر في الجلسة ده ؟؟

هنا الكتاب المقدس جاب قصة مثيرة للجدل و مهمة جدا جدا ..
و هي قصة شاول و عرافة عين دور ((( صم1 : 28 )))

شاول الملك .. لما ربنا مبقاش يتواصل معاه بأي طريقة و فارقه روح الرب .. و صموئيل النبي كان مات .. و داخل على حرب مع الفلسطينيين و مش عارف يعمل إيه .. قام راح لعرافة و هو متنكر .. قالها حضريلي روح صموئيل النبي .. قالتله اخاف ده شاول مانع الموضوع ده .. قالها متقلقيش إنتي بس من شاول انا هتصرف معاه :D
المهم قامت مصرخة اول ما شافت الروح و قالتله (( انا شايفة )) آلهة طالعة من الأرض .. شاول قالها قوليلي شكله إيه ؟؟ شيخ كبير و على راسه جبة !! و صموئيل قال .. إنت بتقلقني ليه .. عايز إيه ؟؟ ربنا سابك ؟؟ عموما بكرة هتخسر الحرب و هتموت و هتيجي تبقى معايا إنت و ابنك يوناثان !!
( لاحظ شبه كبير بين القصة و جلسات تحضير الأرواح حاليا نفس سلاح الشيطان على مر العصور زي ما هو )

مين بقى اللي حضر ده ؟؟ أولا شاول مشافش الروح .. العرافة اللي كانت بتقوله .. ثانيا لا مش صموئيل النبي طبعا .. لأ .. ربنا مش هيبعت نبيه عن طريق خطية هو نفسه منعها بوضوح .. إنما ده شيطان أخد شكل و صموت صموئيل النبي .. لأن الشيطان يقدر ياخد شكل ملاك حتى أو رجل أو مرأة .. زي قصة يوستينا و كبريانوس و غيرها العديد من القصص في بستان الرهبان ..

طيب إزاي عرف المستقبل ؟؟
تخمينات .. جيش العدو عددهم أكبر و أقوى بدليل رعب شاول الشديد اللي دفعه للعملة دي .. و طبيعي جدا في الحرب الخسرانة الملوك تموت .. و هو سمع جيش الفلسطينيين و قادته بيتكلموا عن الخطة و عن قتل الملوك ..
و طبعا ربنا كان ممكن ميسمحش بده .. لكنه كان عقاب من ربنا
و حصل برضه مع أخزيا الملك اللي استشار العرافين عشان يخف من مرضه .. فبعتله إيليا و قاله :
" أليس لأنه لا يوجد في اسرائيل اله تذهبون لتسألو بعل زبوب اله عقرون و لذلك قال الرب ان السرير الذي صعدت عليه لا تنزل عنه , بل موتا تموت "
شفتوا ربنا زعلان أد إيه بيقولهم هو انا مبقتش موجود ؟؟ شفتوا عقابه كان شكله إيه ؟؟

و خد بالك تعرف من القصة دي إن الشيطان لو طلبته ما بيصدق .. و مثال على كدة من ضمن الشعوذة في العصر الحديث اللي بنشوفها في الأفلام الأجنبي .. طفلين أمريكيين كانوا في قرية في كاليفورنيا إسمهم مارجريت و كاتي .. سمعوا صوت خبط على باب البيت .. إتخضوا بعدها بدأوا يتوهموا إنه ده الشيطان فبدأوا يردوا بنفس الطريقة .. و بدأوا ينشروا الكلام ده في القرية .. و القرية كلها ضلت عن الله و بداوا يصدقوا في القصة دي .. الشيطان ما صدق طبعا .. و استغل الضلالة دي ..

+ (9) إيه موقف الكتاب من تناسخ الأرواح ؟؟

تناسخ الارواح الأول ضلالة برضه فيما معناه إن الإنسان بيموت روحه بتدخل في إنسان تاني مولود بعدها .. و ممكن تدخل في كلب أو قطة أو فرس النهر برضه عادي ..
و هنا فيه قصة .. كان ملك و ملكة سيام في زيارة لفرنسا .. فشافت ملكة سيام كلب الملكة الفرنسية بدأت تعيط جامد جدا .. قالولها مالك .. قالتلهم الكلب ده عنده كام سنة ؟؟ قالولها إتنين .. قالتلهم أنا عرفته ده إبني .. و حضنته و قعدت تعيط .. فإضطروا يدوهولها هدية و هي مروحة ..
و هنا الكتاب بيحسم الموضوع
( وضع للناس ان يموتوا مره ثم بعد ذلك الدينونه ) [ عب 9 : 27 ]

+ (10) اتلخبطت شوية لما قريت .. و خفت أكتر .. و حاسس إني وقعت في بعض الخطايا دي أو إن الشيطان أذاني أو بياذيني .. أعمل إيه ؟؟

ببساطة شديدة .. إوعى تخاف .. " أنا هو لا تخافوا " .. خلي إيمانك قوي ..
صلي يوميا .. توب و إعترف بخطيتك .. إتناول .. صوم .. إحفظ المزامير و رددها .. قول ترانيم .. إكره الشيطان بكراهية الخطية ..
و إقرا شوية الآيات دي ..

" اما الخرافات الدنسه العجائزيه فأرفضها و روض نفسك للتقوي "
" فاخضعوا إذن لله، وقاموا إبليس فيهرب منكم. اقتربوا إلي الله فيقترب اليكم، فاخبرك من هم الذين يستطيع الشيطان أن يقوي عليهم.. الذين .. يتفرغون لشهوتهم كالفرس والبغل اللذين لا فهم لهما، أولئك للشيطان عليهم سلطان "
" أصحوا واسهروا لأن إبليس خصمكم كأسد زائر يجول ملتمساً من يبتلعه هو. فقاوموه راسخين في الإيمان، عالمين أن نفس هذه الآلام تجري علي إخوتكم الذين في العالم "
" الرب نوري وخلاصي ممن أخاف الرب عاضد حياتي ممن اجزع "
" إن سرت في وادي ظل الموت فلا أخاف شرا لأنك أنت معي "
" حاملين مرضي ومعذبين من أرواح نجسة… وكانوا يبرأون جميعهم "
" وكان يخرج شيطاناً وكان ذلك الشيطان أخرس… فلما أخرج الشيطان تكلم الأخرس فتعجب الجموع "
" الله أمين الذي لا يدعكم تجربون فوق ما تستطيعون "
" سمعان سمعان هوذا الشيطان طلبكم لكي يغربلكم كالحنطه و لكني طلبت من اجلك لكي لا يفني ايمانك "
" هذه الأيات تتبع المؤمنين .. يخرجون الشياطين بأسمي و يتكلمون بالسنه جديده .. يحملون حيات و ان شربوا شيئا مميتا لا يضرهم و يضعون ايديهم علي المرضي فيبرأون "
" إبليس قتال للناس من البدء ولم يثبت في الحق لأنه ليس فيه حق متي تكلم بالكذب فإنما يتكلم بما له لأنه كذاب وأبو الكذاب "
" و هم غلبوه بدم الخروف "
" رأيت الشيطان ساقطاً مثل البرق من السماء "
" في العالم سيكون لكم ضيق… ولكن ثقوا أنا قد غلبت العالم "
" اله السلام سيسحق الشيطان تحت ارجلكم سريعا "

المراجع :
الكتاب المقدس
كتاب الأرواح بين الدين و علماء الروح - قداسة البابا شنودة الثالث
التحفة اللوكاسية في حل المشاكل اللاهوتية - مثلث الرحمات الأنبا لوكاس اسقف منفلوط
العلاج الروحاني للأسحار أبونا اخنوخ سمعان مارمينا شبرا
كتاب "السحر" - نبيل صبحي حنا
استحاله تحريف الكتاب المقدس أبونا مرقص عزيز خليل
السحر .. القمص مينا جاد جرجس
السحر و الجان في مملكه الشيطان من منظور مسيحي جوزيف بـطـرس

By : Michael Magdy Mikhaiel