الايذاء الجسدي والنفسي للطفل ( موضوع خطير )

الايذاء الجسدي والنفسي

الايذاء الجسدي

مانفعله ويلحق الضرر بجسد الطفل ويترك في جسمه علامات

الايذاء الجسدي

ممكن مالانفعله ويسبب الضرر بالطفل (الاهمال)

الايذاء النفسي

نمط من القاء اللوم على الشخص او الاستخفاف به ومهاجمة شفويا بالشتيمة او رفضه او بالطلب من الطفل ان يقوم باعمال لايستطيع ان يقوم بها

امثلة للايذاء النفسي	امثلة للايذاء الجسدي
1-الشتيمة	1-الصفع (الضرب بالقلم)
2-الاستخفاف والتريقة على حاجة فيه	2-الاهتزاز العنيف
3-تخجيله	3-الدفع القوي (الزق)
4-الصراخ في الطفل (الزعيق)	4-الرفس وشد الشعر
5-غلق الابواب في وجهه بعنف	5-اللكم والعض
6-التف على وجهه	6-الركل (الضرب بالشلوط)
7-المقارنة بينه وبين ناس افضل منه	7-الضرب بالحزام
8-التشجيع السلبي	8-اطفاء السجاير في جسمه
9-كلمات الرفض (انت هاتعرفي)	9-اللسع بالمعلقة
10-الحكم على الافعال بكلمات قاسية (انت عمرك ماتنفع وهاتفضل ...........)	10-الربط فترة طويلة في السرير مثلا
	11-التعليق
	12-الضرب بسلك الكهرباء وماشابه

اسباب الايذاء

-اتباع الطريقة التي تربى بها التي بها عنف (ابويا ربانا كده) (انت هتعلمني ازاي اربي ابني)

-ايذاء بسبب بعض المواد (خمر – مخدرات ......)

-الضغوط في الشغل والمشاكل الاسرية

-الغضب               - الفقر (مرتبط بالاهمال)

الاهمال

هو عدم ايفاء ادنى درجات الرعاية للطفل من اكل ولبس ومأوى والعناية الطبية والتعليم والاشراف على تناولهم الطعام وتوفر الملابس النظيفة او الغير مقطعة وهذا لفترة طويلة

عواقب الايذاء الجسدي والنفسي

1-العدوانية:-العنف في العلاقات الزعيق والخناقات وتدمير اشياء في المنزل والمدرسة والشطب والخربشة للممتلكات والعنف في الكلام والقسوة

2-تدني المهارات الاجتماعية:- عدم القدرة على التعامل مع الاخرين والفشل في العلاقات والخوف من الناس وعدم معرفة دوافع سلوك الناس وعدم الثقة بالاخرين

3-الشعور بالذنب:- اكيد بابا وماما زعلانين مني لاني فاشل لم اذاكر كويس ولوكنت كويس ماكنشي ضربني بابا

4-عدم الثقة بالاخرين:- فهو من تعرض للايذاء سياخذ على نفسه عهدا حفر عدم الثقة بالاخرين والشك في نوايا الاخرين ومعنى وقيمة حياته

5-الانطوائية:- فهو لايشعر بالراحة مع الاخرين فهو لايثق بنفسه ويشعر انه غير مفيد لهم

6-الهروب:- من المنزل ومن المدرسة

الهروب امام التلفزيون وامام الكمبيوتر او الى احد الاقارب هروبامن قسوة او عنف الوالدين(الجد او الخال او العم)

7-تدني المستوى الدراسي:- درجاته اقل من الاخرين بسبب نظرته لنفسه دونيةفهوغير قادر وهو فاشل ومش نافع

- من يمنع عصاه يمقت ابنه ومن احبه يطلب له التاديب (ام13: 24)

- هوذا البنون ميراث من عند الرب ثمرة البطن اجرة (مز127: 3)

- هل تنسى المراة رضيعها فلاترحم ابن بطنها (اش49: 15)

- وانتم ايها الاباء لاتغيظوا اولادكم بل ربوهم بتاديب الرب وانذاره (اف6: 4)

- خير له لوطوق عنقه بحجر رحى وطرح في البحر من ان يعثر احد هؤلاء الصغار (لو17: 2)

قبل الضرب ؟

1-التقليد :- ابنك يقلدك في كل شئ كن قدوة

2-الاتصال الجيد بالطفل :- مادام يفهم فهمه خطأه ومدى ضرره

3-التحفيز: "التشجيع" هدايا – حلوى – مال (بحرص) فسحة

4-الاخماد :- "الحرمان" حرمانه من اشياء يحبها بسبب سلوكه السئ او مشواره او فسحة او هدية .

5-استخدام النتائج الطبيعية :- لايمنع نفسه عن اللعب بالفرن الساخن رغم التحذيرات ولكن اذا لسع مرة واحدة توقف

6-النتائج المنطقية:- مش عاوز يذاكر نتركه يعاني من نتائج عدم مذاكرته

7-العقاب البدائي:- "الضرب" يفضل على اليد او الخلف ويجب ان لايكون :-

-وانا غاضب    - انا متوتر     - العقاب يناسب الخطأ فهو ليس انتقام

-في الوقت والمكان المناسب    - لااسبب الاذى من كدمات وتعوير وورم وخربشة

الخلافات الاسرية وتأثيرها على الاولاد ( موضوع رائع )

الخلافات الاسرية وتأثيرها على الاولاد

(اف6: 4)

اولادنا كائنات رقيقة تتأثر بكل مايحدث حولها وحساسة لكل كلمة وكل لمسة ونحن نريد ان يكيفوا اولادنا انفسهم على مشاكلنا وخلافاتنا وهذا فوق طاقتهم وليس لهم القدرة على ذلك

*عندما تحدث مشكلة بين زوجين الزوج يشعر بعدم الاحترام والزوجة تشعر بعدم الحب (ام21: 9)

*نخسر اولادنا عندما نبحث عن كرامتنا وتمسكنا بعنادنا وكبريائنا

التأثير على الاولاد	اهم الخلافات والمشاكل الزوجية
العنف في العلاقات الصوت العالي والنرفزة عدم احترام الاخرين كره احد الوالدين	(1)الشجار (الخناقة) (ام13: 9) 1)بالالفاظ والشتائم والاهانات 2)بالضرب والسخرية والقسوة في المعاملة 3)المقاطعة الكلامية "لسانه مايخاطبشي لسانك"
المشاركة في تسديد الاحتياجات السرقة     الادمان    عدم الثقة والايمان في الرب	(2)لاجل امور مالية: 1)نقص الفلوس            2)فلوس زيادة
الفساد الاخلاقي واستعباد الاباحية – كره الزواج	(3)زوج غير محترم اخلاقيا او زوجة غير وفية
الشعور بالاهمال  -    غياب الرقابة المال اهم منهم	(4)غياب احد الزوجين او كلاهما 1)بسبب السفر          2)بسبب الشغل طول اليوم
الشعور بعدم الاستقرار وعدم اهمية المنزل – والاهمال	(5)خلافات حول الاصدقاء: 1)اصدقاء قدامى "قهوة"      2)صديقات قدامى
الاحساس بعدم الحب والقسوة يكره الارتباط  - الشعور بالرفض	(6)اهمال احد الزوجين دوره او كلاهما: زوج لايعمل     سكير     مدمن     زوجة كسولة ومهملة
عدم الاستقرار والانتماء للاسرة الكبيرة	(7)خلافات ومشاكل مع اهل الزوج او الزوجة
الحرمان من الكنيسة والتربية المسيحية هل الذهاب للكنيسة غير مهم؟	(8)خلافات على الذهاب للكنيسة 1)التحكم بعدم الذهاب للكنيسة بسبب اهمالها للبيت 2)الشعور بان الشخص الاخر اكثر قداسة
1)الشعور بالوحدة         2)الشعور بالاهمال 3)عدم الاستقرار النفسي   4)الاكتئاب 5)السقوط في الدراسة 6)محاولة تعويض الحب بطرق غير مشروعة	(9)الطلاق او الانفصال او الهجر: 1)الطلاق الرسمي المدني 2)الطلاق الرسمي الديني لعلة الزنى 3)غير مطلقين ولكن منفصلين في بيوت والديهم 4)منفصلين ولكن يعيشون معا لاجل الاولاد
1)القسوة        2)الدلع 3)شخصية مهزوزة 4)شخصية ضعيفة ومتهورة 5)عدم الثقة في الوالدين	(10)خلاف على اسلوب التربية: 1)الشدة واللين            2)القرارات المتضاربة 3)القرارات الديكتاتورية المتسلطة 4)القرارات التي نرجع فيها 5)الوعود الغير موفاة

تكمن المشكلة في	ملخص
1)غياب القدوة 2)غياب الرقابة 3)غياب الحب 4)غياب التفهم (الاحساس بالاخر) 5)غياب الاحترام 6)غياب الثقة 7)غياب البهجة والفرح الحديد بالحديد يحدد والانسان يحدد وجه صاحبه (ام27: 17)	1)انهيار القدوة والمثل 2)العنف 3)تدني المستوى الاخلاقي 4)تدني المستوى الدراسي 5)كره الحياة الزوجية والارتباط 6)الهروب من المنزل 7)الشره في الاكل او فقدان الشهية 8)الصوت العالي او الترفزة 9)ترك الديانة "المسيح ليس في البيت" 10)العلاقات العاطفية او الجنسية 11)عدم نضج الشخصية

الغفران ( موضوع روحى هام جدا للبركه )

الغفران

الغفران هو سرالبركة فالغفران مع التوبة يفتحان القلوب ويسمحان بنهرالله بالتدفق داخلنا بلا قيود(مت6: 14-15)

اتجاهات الغفران الثلاثة

1)غفران الله لي            2)غفران لنفسي                3)غفراني للاخرين

لماذا الغفران ؟

1-لكي انال غفران الله (لو6: 37-38)

2-لكي اعيش في سلام داخلي

3-التخلص من المرارة الداخلية

4-لكي لاتعاق استجابة الصلاة

5-اكسب علاقتي مع من اساء الى

6-لكي لاتعاق الخدمة

لماذا لانغفر؟

1-ليس لدى حب وقلبي مليان بالكراهية

2-غير متمتع بغفران الله لي

3-الجهل بالوصية

4-البر الذاتي والكبرياء (كرامتي)

5-القاء اللوم والغلط على الاخرين (هو الغلطان ، اللي بدأ الاول)

لمن اغفر ؟ للجميع من يستحق ومن لايستحق (مت18: 21-35) مثل العبد الذي لايغفر

مستويات الغفران

المستوى الاول: غفران على مستوى الارادة (الغفران قرار اختياري)

المستوى الثاني : غفران على مستوى المشاعر (ينتقل مع الاستمرار الى القبول والحب)

المستوى الثالث: غفران على مستوى السلوك (تعود المعاملة احسن بل افضل)

ما العلاقة بين الغفران والعتاب؟ (مت18: 15-20)

الغفران يزيل العائق بيني وبين الاخرين ولكن العتاب يعيد العلاقة من جديد

يوسف والغفران:-

الغفران يعبر عن الحالة الداخلية والروحية العالية)

يوسف اظهر غفرانه في ابنائه :-

منسى الذي ينسى ينسى الاساءة كأنها لم تكن

افرايم الثمار المضاعفة نتيجة بركة الغفران

عم بشرى وشيل التراب قصه

من القصص اللي لمست فيها أد إيه ربنا هو اللي بيعول المساكين كان موقف حصل مع عم بشرى +++

تعالوا بقى أحكيلكوا مين هو عم بشرى....
لما خلصت السيراميك في الشقة عندي إتبقى حوالي 3 متر رمل جوة الشقة.... كانوا عاملين ذي الجبل.... واكلين نص الصالة بالظبط.... والنقاش قالي مش هاقدر أشتغل والرمل دة موجود.... ومستحيل طبعاً أجيب ونش تاني علشان يشيلهم.... بقيت أسأل الفواعلية تاخدوا كام وتشيلوا الرمل فكل واحد بقى يقولي سعر شكل.... اللي يقولي 500 واللي يقولي 400 وكل واحد بقى يتنطط عليا.... وأنا بقى إتغاشمت وقولت مش هادفع الرقم دة مهما حصل.... ثيؤفانيا خطيبتي بتزور فقراء كتير... فجات قالتلي فيه واحد عاوز يشتغل اي شغلانة وخلاص إسمه عم بشرى.... فكلمتهولي فقالها هايشيل الرمل ب 80 جنية.... قولتلها مية مية... هاتيهولي.... لقيت راجل كبير في السن وعنده تلعثم في الكلام ونص كلامه مش فاهمه.... كل اللي فهمته انه عاوز يشتغل وخلاص لإن معهوش فلوس.... انا قولت ياربي الراجل جاي لوحده.... وراجل كبير.... هايعمل ايه دة....!!!!
الراجل جه معايا وبدأ يشيل في الرمل.... شويتين ولقيته بدأ يتعب.... وفعلاً صعب عليا.... روحت قولت يا واد يا بيشوي قوم ساعده حرام.... دة كفاية إنه هايشيل جبل ب 80 جنية.... فبقيت أعبي معاه الرمل وأشيلها وأطلع بيها فوق السطح.... فلقيته بصلي وفهمت منه بالعافية انه بيقولي حقك عليا يابني اني خليتك تشيل.... دة انت شكلك إبن ناس.... الراجل صعب عليا... واللي صعب عليا اكتر إن لأجل الحظ النحس ماكنش في جيبي غير 100 جنية بس.... يعني حتى مش هاقدر أزودله أكتر من 20 جنية.... قولت انا هاساعده وأشيل معاه وخلاص....
بعد يوم طويل اتهديت أنا وهو فيه قدرنا نرفع 3 متر رمل.... روحت قولتله ياعم بشرى انت راجل طيب.... انا اتفقت معاك على 80 جنية لأ خد 100 جنية.... وكأني ببقشش عليه.... مع إنه يستحق أضعاف الرقم على التعب دة.... رفعت عيني لربنا وقولتله حقك عليا يارب.... صدقني يارب مفيش في جيبي غير ال 100 جنية دي لإني نسيت الفلوس.... المهم قولت لعم بشرى أنا هاديك حاجة حلوة... فكان عندي كام بلوڤر قديم على كام قميص.... قولتله خدهم اكويهم وإلبسهم.... الراجل كان طاير بالهدوم القديمة دي.... وكان فرحان بال 20 جنية الزيادة.... وهو مايعرفش اني قاعد اقول جوايا حقك عليا يارب مقدرتش اساعدك.... الراجل لبس قميص منهم علشان يروح بيه.... وأثناء ماكان بيقلب فيه لقى جواه 250 جنية.... ومن أمانته لقيته بيقولي أنا لقيت دول.... قولتله ياعم بشرى دة المسيح بعتهوملك.... خدهم دول بتوعك وحقك.... بصيت للسما وقولت ياااااااه يارب.... انت حاسس بتعب الراجل ونظرت لصلاتي وماروحتنيش زعلان و روحت عم بشرى وهو معاه قوت يومه وبزيادة.....
أوعى في يوم تبخل على فقير.... لإنك يوم مابتدي فإنت بتدي المسيح.... ويوم مابتبخل فإنت بتبخل على المسيح....
#طوبى_لمن_يتعطف_على_المسكين
#في_يوم_الضيق_ينجيه_الرب

عنبر 11 عنبر المجانيين

عنبر 11

عنبر لو بصيت على الناس اللي جواه ممكن تسميه عنبر مجانين زي ما ناس كتير سموه.  تعال أحكيلك عن عيِّنة من الناس اللي في العنبر دا:

راجل مسافر بالعربية وقَّفته لجنة في الطريق، الظابط سأله بكل أدب: “مسافر على فين يا أستاذ؟”  رد عليه قاله: “ما عرفش بس أنا رايح مكان رائع جدًا”!

واحدة ست عجوزة في محل ملابس أطفال بتشتري لبس لنونو، سألتها اللي شغالة في المحل: “هو حضرتك جايباه لحد من أولادك ولا أولاد ولادك؟”  ردت عليها وقالتلها: “دا لإبني اللي لسه هخلفه”!

طفل صغير معاه نبلة وكام زلطة، بيسألوه أصحابه: “إنت رايح تصطاد فين ما تصطاد معانا؟”  رد عليهم قالهم: “أنا مش رايح اصطاد عصافير أنا رايح أقتل عدونا الجبار”!

راجل عجوز راح يعقِد صفقة خشب كبيرة جدًا، ولما التاجر قاله: “أنت عايز كل الخشب دا ليه، أنت هتبني شركة كبيرة ولا هتصدر الخشب دا برة؟”  رد عليه وقاله: “أنا بابني سفينة كبيرة عشان فيه طوفان كبير جاي”!

واحد بيطحن قمح راح يشتري 300 جرة، الراجل البياع قاله: “يا عم القمح بيتحط ف شكارة مش في جرة، ولا عشان هتهربهم؟”  قاله: “لأ، أصل أنا هحط فيهم مصابيح عشان ناوي أحارب بيهم”!

حفيد الرئيس راح السجل المدني عشان يغير بياناته، فالموظف قاله: “مش عاجبك اسمك يا باشا تحب نغيرهولك؟”  قاله: “لأ، أنا مش عاجبني إني أبقى ابن بنت رئيس الجمهورية”!

وناس كتير ف عنبر 11 ماينفعش أقولهم كلهم أنا قولتلك عينة منهم.  الناس حكموا على اللي ف العنبر دا إنهم مجانين، بس في الحقيقة اللي الناس بتسميه جنان، الكتاب قال عنه إيمان.  تخيل لو سمعوا لكلام الناس، هل كانوا وصلوا للي صدقوه واللي حسبوه؟

إبراهيم وسارة وداود ونوح وجدعون وموسى، وناس كتير الناس حطوهم ف عنبر11، عنبر المجانين، لكن الكتاب حطّهم في عبرانيين11، عنبر الايمان.  لو عندك إيمان والناس شايفاه جنان، وحاسس إنهم هيحطوك ف عنبر11، يبقى بجد يا بختك عشان اللي بيدخل العنبر دا بيطلع على عنبر الإيمان عِدِل.  أرجوك ارجع صدَّق في اللي مش متشاف، واللي ربنا عايزه، واللي الناس شايفاه مستحيل، واللي ضد الطبيعة، وضد سنك وامكانياتك، واتنازل عشان تحقق حلمك.  حتى لو فضلت طول عمرك بتعمل شغلك في عنبر11، زي ما فيه ناس دخلت عنبر الإيمان وهي عايشة، فيه ناس مانالتش المواعيد بس برضه اتحطوا في عنبر الإيمان بعد ما ماتو.

ملحوظة:كبيرك وسيدك حطوه في عنبر 11 ومش أي ناس، دول قرايبه وقالوا عليه إنه “مختل”.  أنا بقولك نفس الكلمة اللي موجودة في مرقس3: 21، فسيبك من كلام الناس ولو قالوا عنك مختل يبقى يا بختك.

بأحط اسمي في قائمة الراغبين في الدخول لعنبر11.. أنا مش عارف هبقى رقم كام في الكشف بس أنا متأكد إني مش أول واحد عشان الكشف دا من أيام هابيل (عبرانيين11: 4) ومتأكد إن في ناس كتير بعدي عشان القايمة متنفعش تكمل من غيرك (عبرانيين11: 40)، تيجي تحط إسمك معايا في الكشف؟!  وتاخد رقم(....)؟!  ولو أنت في الكشف دا أصلاً باشجَّعك ما تفشلش لكن بالعكس كمِّل وشجَّع كل اللي خايفين ياخدوا الخطوة دي ويتكتب إسمهم.  سلااام واقابلكم في عنبر11 عنبر الإيمان

(( عبرانيين 11))

تامل عن عصفور وقطره ماء للبابا شنوده الثالث

“ٱلَّذِي يُشْبِعُ بِٱلْخَيْرِ عُمْرَكِ، فَيَتَجَدَّدُ مِثْلَ ٱلنَّسْرِ شَبَابُكِ.”
‮‮اَلْمَزَامِيرُ‬ ‭103:5‬ ‭

عصفور وقطرة الماء
جلس قداسة البابا شنودة يحكي انه عندما كان راهبا في قلايته في الصحراء التي تبعد اميال عن ديره ، انه كان يخرج في الفجر ليتأمل ويصلي وكانت امام قلايته توجد شجرة ،
كان يأتي عصفور صغير يوميا ويمسك برجليه في الفرع الصغير منكس الرأس فاتحا فاه ليستقبل قطرة الماء النازلة من احدي اوراق الشجرة المتكونة من اجتماع قطرات الندي الصغيرة ليروي عطشه طوال اليوم
تأمل قداسة البابا في ذلك الحدث قائلا ...
ان الله الذي سمح بوجود الشجرة في الصحراء الناضبة لتتساقط عليها قطرات الندي وتكون نقطة مياه ليرتوي بها ذلك العصفور الصغير الهائم في الصحراء يوميا ، هو الله الذي يعول الخليقة باسرها ويحفظها فهو ضابط الكل
فاطمئن ايها الانسان فانك تعيش تحت رعاية الله وفي ظل مراحمه ومهما كانت ضيقاتك الوقتية فهي بتدبير الهي لتنشئ لك ثقل مجد ابدي فهو الذي سينجيك من الضيقة وسيجعل لك اكليلا
فتلك رسالة الله لك اليوم " اني اعلم بضيقتك لكني سأتدخل في الوقت المناسب فأطمئن"

": فَلاَ تَخَافُوا! أَنْتُمْ أَفْضَلُ مِنْ عَصَافِيرَ كَثِيرَةٍ! "(مت 31:10)

قصه ساندوتش لحمه

حكايات
          سندوتش لحمة

وجد "مكافح" نفسه وحيداً ، فقد مات أبوه وهو طفل وحاولت أمه أن تعمل أي شيء لتكسب جنيهات قليلة ، فعملت بخياطة الملابس للجيران والأصدقاء وتمكنت من إدخاله المدرسة. وفعلا تفوق "مكافح" في دراسته وداعبت الأماني خياله ، فكان يسأل أمه : "هل يمكن أن أكون يوما شيئا عظيما؟" فتجيبه بالآية التي تحفظها جيداً وتعتبرها سر قوتها "وهل يستحيل على الرب شيء؟"  ثم تذكره كيف نجا دانيال من جب الأسود وكيف أصبح يوسف عظيما بعد أن بيع كعبد و.. و"مكافح" يستمع لها ويستمد إيمانا وقوة من ملامح وجهها ، ولكن حدث ما لم يكن في الحسبان .. فقد ماتت أمه ومصدر قوته .. وحضر الأهل والأصدقاء للتعزية ثم انفض الجميع عنه وهو صبي في الثانية عشر من عمره ..
بعد أن إستجمع "مكافح" قوته ، بدأت ترن في أذنيه كلمات أمه "هل يستحيل على الرب شيء؟" ، لذا قرر أن يعمل ويكمل دراسته ، فتنقل بين أحواض الغسيل بالمطاعم إلى مسح البلاط بالمستشفيات ، وكم كان يستهويه منظر الأطباء بالبالطو الأبيض .. هل يمكن أن يكون يوما واحداً منهم ؟ وهل يستحيل على الرب شيء !!
وفي إحدى الليالي رجع متأخرا وهطلت الأمطار غزيره فبللت ثيابه وشعر بالجوع ينهش أحشاءه ، فقرر أن يستجدي كسرة خبز. طرق باب منزل على الطريق ففتحت له فتاة شابة وقالت له مندهشة من منظره "أي خدمه ؟" لم يجد الشجاعة ليتسول فطلب كوب ماء ، فأسرعت وأحضرت له كوب لبن ساخن وسندوتش لحم. أبرقت عيناه وسالت منها دمعة وشكرها ومضى.
مضت الأيام واستطاع مكافح أن يدخل كلية الطب بمكافأة التفوق بالثانوية العامة وأصبح جراحا مشهورا.
وذات يوم أجرى عملية خطيرة لشاب صغير ، وبعدها طلب أن يظل تحت الملاحظة أسبوعين ، ولكن الأم طلبت منه أن يسمح له بالخروج لضيق ذات اليد ، ولكنها عادت ووافقت عندما علمت بخطورة الموقف طالبة تقسيط المبلغ.
تعافى الطفل وجاءت الفاتورة لدهشتها الشديدة مكتوبا عليها بخط كبير "لقد تم تسديد المبلغ منذ ٢٠ سنة" وبداخلها ورقه ثانية مرسوم فيها كوب لبن وسندوتش .. نعم يا صديقي كما فهمت ! إنها  نفس الشابة التي قدمت له سندوتش اللحم.
"إرم خبزك على وجه المياه فإنك تجده بعد أيام كثيرة ". (جا١:١١)