عاوز اعرف مشيئتك قصه

مرة واحد فضل ٣ سنين يصلى لربنا ويطلب منه أنا

يارب أفهم مشيئتك يارب من فضلك فاهمنى مشيئتك وظل يطلب الطلبة دى كل يوم طول ٣ سنين وفى يوم جاله ملاك الرب فالراجل أول ماشاف الملاك اترعب لكن الملاك قاله ماتخفش أنا الرب ارسالنى ليك عشان افهمك يعنى ايه مشيئة الله صالحة بس قبل ماأفهمك احنا هنروح سوا أنا وانت ٤ مشاوير الأول .. طبعا الراجل وافق ومشى مع الملاك .. فضلوا ماشين مسافة بعيدة وبعدين حسوا بالتعب والجوع .. وهما ماشين شافوا واحد بياكل من الزبالة .. ف الملاك قرب من الراجل الغلبان اللى بياكل من الزبالة دى وقاله ممكن تدينا حاجة ناكلها .. ف الراجل الغلبان قاله طبعا اتفضل .. ف الملاك قرب من الزبالة وبدء ينقى أكل عشان ياكل هو والراجل التانى اللى مشى معاه وفجأة لقى معلقة دهب وسط الزبالة فطلب من الراجل الغلبان اللى سمحلهم ياكلوا معاه من الزبالة أنه ياخد المعلقة .. ف الراجل الغلبان قاله خدها .. طبعا الراجل الغلبان مش عارف قيمتها .. اخد الملاك المعلقة الدهب ومشى هو والراجل اللى كان مشى معاه من الأول وعايز يفهم مشيئة الله .. فبص الراجل للملاك وقاله انت ليه اخدت المعلقة الدهب كان ممكن تديها للغلبان ده اللى بياكل من الزبالة على الأقل كان ممكن بتمنها ياكل أكل نضيف كذا مرة .. ف الملاك ابتسم وسكت .. وبعدين فضلوا ماشين شافوا من بعيد بيت فخم جدا راح الملاك خبط على الباب وطلب من صاحب البيت أنه يدخلوا يستريحوا وياكلوا لأنهم تعبانين ومحتاجين مساعده .. صاحب البيت رفض وطردهم وقالهم انتم متخيلين أنى ادخل ناس زيكم بيتى واقعدهم على السفرة  واكلهم معايا .. راح الملاك قاله لو سمحتلنا ندخل أنا هديلك المعلقة الدهب دى .. صاحب البيت راح اخد المعلقة الدهب ووافق يدخلهم ياكلوا .. وفعلا دخلوا لكن الراجل اللى كان ماشى مع الملاك رفض ياكل وكان مضايق أوى .. ف الملاك ابتسم وطلب منه يسمع الكلام وياكل .. فالراجل أطاع كلام الملاك واكل .. وبعدين بعد كدة اخدوا بعضهم ومشيوا .. وهما فى الطريق الراجل قال للملاك ازاااى تعمل كدة بقا تاخد المعلقة الدهب من الغلبان اللى بياكل من الزبالة وتديها لصاحب البيت الفخم اللى طردنا انت ازاى تعمل كدة ازاى .. وكان مضايق أوى .. لكن الملاك ابتسم وقاله دى مشيئة ربنا .. وبعدين كملوا طريقهم فشافوا من بعيد بيت متواضع وجنبه مضيافة متواضعة وكانت لأسرة مكونة من أب وأم وأطفال وكانت الزوجة دايما تلح على الزوج أنه يهدم المضيافة ويستغل الأرض ف مشروع يأمنوا بيه مستقبل عيالهم لكن الاب كان بيرفض ويقول دى عملها ابويا لضيافة اى حد غريب تعبان ملهوش مكان وانا عايزها تفضل كدة .. المهم الملاك والراجل اللى معاه خبطوا على الباب وطلب منه أن يستريح وياكل .. الزوج رحب بيهم جدا واستقبلهم كويس جدا وناموا فيها لغاية الصبح وبعدين كملوا طريقهم وهما ماشين الملاك بص وراه وضرب نار على المكان كله وحرقه .. فالراجل أول ماشاف الملاك عمل كدة وقف وقاله انت ليه عملت كدة لناس استقبلتنا بحب وكرم ده جزاءهم .. انت استحالة تكون ملاك وبدأ يصلى ويرشم الصليب عشان يصرفه ويقوله انت شيطان فى هيئة ملاك وفضل ينتهره ويصلى .. لكن الملاك طبعا ماتصرفش من قدام الراجل وقاله انت فضلك مشوار واحد من الأربع مشواير كمل معايا ومش هتندم وبعدين هتفهم .. الراجل طبعا جواه بركان غضب ومش قادر يفهم الملاك عمل كدة ليه .. لكن الراجل كمل مع الملاك اخر مشوار .. وهما ماشين شافوا بيت عايش فيه أب وابنه شاب زى الورد متعلم ومثقف وخادم لربنا .. ف الملاك قرب وخبط على الباب وطلب منه أن يستريح وياكل .. الأب والابن رحبوا بيهم جدا واستقبلهم كويس جدا .. وبعدين الابن الوحيد عرض عليهم يوصلهم وفعلا اخدهم ووصلهم وهو راجع الملاك ضرب العربية راح وقعت وغرق الشاب ومات .. هنا بقا الراجل وقف يصرخ في وش الملاك ويقوله ماتقوليش أنها مشيئة ربنا .. انا مش عايز اعرف مشيئته ولا عايز اعرف ربنا من أساسه  .. هو اللى بيعمل خير يكون جزاءه شر .. ويصرخ فى وش الملاك أنا مش عايز اعرف ربنا تانى ولا مشيئته .. الملاك ابتسم وقاله تعال افهمك بهدوء اسمعنى .. الملاك بدء يتكلم ويقوله المعلقة الدهب دى تبقا بتاعة إبن الملك وكانت مامته دايما تأكله بيها .. عشان كده هى غالية عليه أوى ولما اختفت  أصدر أمر أن اللى يلاقى معاه المعلقة الدهب دى يتعدم بدون اى مبررات ولا أعذار وعشان كده أنا اخدتها من الراجل الغلبان اللى بياكل من الزبالة وعطتها لصاحب البيت الفخم اللى حياته كلها شرور وزنى وقتل لان هو اللى يستاهل العقاب .. والمضيافة اللى حرقتها كان تحتها كنز كبير مدفون وساعتها بس الزوج هيلاقيه ويعرف مكانه ويبنى بيت اكبر ويأمن مستقبل عياله ويبنى كمان مضيافة أكبر يقدر يستقبل فيها ناس اكتر .. والابن اللى غرقته ومات ده والده كان دايما يصلى ويطلب من ربنا أنه ياخد إبنه فى الوقت اللى يكون فيه مستعد عشان يدخل السماء .. والرب بيشوف وعارف المستقبل وشاف أن ده الوقت المناسب لأنه كان هيقابل ناس مش كويسه كانت هتبعده عن طريق ربنا .. والده دلوقتي واقف في العزاء بيشكر ربنا أن إبنه راح فى أحسن وقت ليه وأنه أكيد فى السماء دلوقتي .. ف الملاك قرب من الراجل وقاله فهمت وعرفت ان ربنا دايما مشيئته صالحة .. أوقات كتير بنبقا مش قادرين نفهم قصد ربنا لكن الأكيد أن الرب صالح ومشيئته صالحة فى حياتنا واننا غالين أوى على قلبه ❤

اعترافات راهب قصه توبه

قصة من بستان الرهبان ..
إعترافات لص :
====================

أنا من اللصوص العتاه فى الاٍجرام ..
لا أتورع عن ارتكاب أى شيئ فى سبيل الحصول على المال .. فكرت أنا وعصابتى فى سرقه
دير للراهبات بالقرب من بريه شيهيت .. كان الدير عظيما له أسوار عاليه لايمكن
اختراقها .. تفتق ذهنى عن خطه هى اننى أتنكر فى زى راهب وأدخل الدير ..كنت أسمع عن
راهب اسمه دانيال الاٍسقيطى.. يقولون عنه قديس .. لا أعرف ماذا تعنى كلمه قديس ..
المهم أحضرت زى راهب وأخفيت رأسى بشال .. اختبأ زملائى خلف سور الدير وفى المساء
قرعت جرس الباب وقلت للراهبه بالبوابه بصوت خافت وأنا اتكئ على عصاى كما يفعل
الرهبان .. اخبرى الأم الرئيسه بأنى المسكين دانيال الاٍسقيطى من شيهيت وأطلب
السماح بالبقاء بالكنيسه حتى الصباح لأنى لم أتمكن من الوصول لديرى.
جاءت الأم الرئيسه والراهبات بفرح وضربن لى المطانيات ظنا منهن اننى القديس العظيم
الأنبا دانيال الاٍسقيطى.. أخذن ماء فى مغسل وغسلن رجلى كعاده الرهبان مع الضيوف..
أحضرت الراهبات راهبه عمياء وطلبن منى أن أسمح لها بأن تغسل عينيها من ماء رجلى ..
سخرت منهن فى عقلى .. لكنى اصتنعت التواضع وبصوت خفيض سمحت لهن وزياده فى اتقان
التمثيليه قمت برشم علامه الصليب على الراهبه العمياء .. وفوجئت مع الراهبات
بالراهبه العمياء تنفتح عيناها وتبصر بمجرد ان غسلتهما بماء المغسل .. بدأت
الراهبات يصرخن من شده الذهول ويقبلن يدى وقدمى ويقلن ياأبانا القديس دانيال مباركه
هى الساعه التى دخلت فيها الينا .. أما أنا فشعرت برعب عظيم وبدأت أصرخ واقول ..
ويل لى أنا اللص فقد جئت لأسرق الدير .. لكن الراهبات اعتقدن ان هذا زياده
اتضاع منى وبدأن يقبلن قدمى أكثر فأكثر وأنا اولول وأقول أنا لص .. وبجهد كبير
اقنعتهن اننى لص حقير .. وظللت ابكى وظلت الراهبات تبكى معى الى ان لاح ضوء الفجر
.. خرجت الى اصدقائى خارج الدير فهجموا على وطلبوا منى ان اقتسم معهم المسروقات
ولما لم يجدوا معى اى مسروقات ضربونى وكسروا أسنانى واسالوا دمى وتركونى وحدى خارج
الدير ومضوا.
تحاملت على نفسى وظللت اسير فى البريه الى ان وصلت للقديس النقى دانيال الاسقيطى
وأخبرته بما حدث بدير الراهبات .. وياللعجب وجدته يعرف كل ماحدث لى بذلك الدير ..
احنيت رأسى وسقطت على وجهى وقبلت الارض بين يدى القديس العظيم وقدمت للرب التوبه
فقبلنى الرب .. وهاأنا الآن راهبا مع القديس العظيم الأنبا دانيال الأٍسقيطى .

اميره للبيع ؟ قصه جميله

أميرة للبيع؟

قصة جميلة جدا وفيها نصيحة للارضيييين
بينما  كان احد الخدام يعظ دخلت الكنيسة احدى الاميرات من العائلة المالكة، فللوقت لمعت فى ذهنه فكرة عجيبة و هى ان يقدم الاميرة فى مزايدة فصاح قائلا " ها الاميرة قادمة و نريد ان نبيعها " فتعجبت الاميرة و نظرت مندهشة تنتظر ما سيفعله .
فاخذ يستقبل مشتريا وهميا سماه العالم ..... فقال " ها هو العالم قادم ليشتريها ، كم تدفع ايها العالم ثمنا لها ؟ " فاجاب بلسان العالم و قال " انا اعطيها كل بضائعى و هى شهوة الجسد و شهوة العيون و تعظم المعيشة " ... فقال الخادم " و لكن عندما تموت ماذا ستاخد منك ؟ فاجابه لن تاخذ منى شيئا و ستذهب للقاء ربها فارغة " و عندئذ قال الخادم " هذا لا ينفع .... هل من يشترى الاميرة غير العالم ؟ "
"و اذ به يتخيل شخصا قادما اسمه الشيطان فقال ها هو الشيطان قادم ليشتريها . ماذا تدفع ايها الشيطان ثمنا لهذه النفس الثمينة ؟! " فقال " افتح لها ابواب الشرور و الشهوات على مصراعيها " . فساله و ماذا ايضا . قال " استعبدها لنفسى " فساله و ماذا بعد الموت ؟ " .... قال " اجرها معى الى الهلاك الابدى " . و عندئذ قال الواعظ الحكيم " كلا لن نبيعها لك " و صاح مرة اخرى " من يشترى ؟ " .
و اخيرا تخيل الرب يسوع قادما فقال " هوذا شخص جليل قادم ، انه الرب يسوع .... ماذا تدفع يا سيدى ثمنا لهذه النفس الثمينة ؟ " فاجاب " لقد دفعت فيها ثمنا باهظا هو دمى المسفوك لاجلها على الصليب " ... و قال و ماذا تعطيها ؟ قال " اعطيها غفرانا و حياة ابدية ، و اضمنها فى قبضة يدى و اجعلها نورا للعالم و ملحا للارض اذا سلكت حسب وصاياى و تعاليمى " .... فسال الخادم و ماذا عند الموت ؟ " فاجاب " اخذها لتتمتع بمجدى ، و لتكون معى الى الابد فى سعادة ابدية "
و عندئذ نظر الخادم و قال " انك انت الذى تستحقها يا سيدى " ....ثم نظر الى الاميرة و قال " و الان يا سيدتى لمن من هؤلاء تبيعين نفسك ؟ " ... فقالت و الدموع تجرى على خديها " لقد بعتها لمن اشترانى بدمه " .
حقا لقد تجسد السيد المسيح لكى يفدينا و يشترينا بدمه الطاهر فنصير ملكا له ... و يعطينا عربون الحياة الابدية .
" اتيت لتكون لهم حياة و ليكون لهم افضل " يو 10 : 10

روبرت موفات مع افريكانر اكلى لحوم

أفريكانر اكلى لحوم البشر

في أحد أيام الشتاء من عام 1818م، اجتمع أهل القبيلة في لاتاكار بأفريقيا الجنوبية، وهم يهتفون بأعلى أصواتهم باسم أفريكانر رئيسهم. فاليوم عيد سعيد، حيث قتل لهم زعيمهم صيداً جديداً من جيرانهم سكان أرض البوير.
وبعدما سجدوا للأوثان، أشعلوا النيران، تحت القدر الملآن، لسلق هذا الإنسان. وإذ بأفريكانر الذي لا يعرف أي معنى للحنان يمارس هوايته في مثل هذه الأحيان حيث كان يصنع الكؤوس من جماجم الرؤوس، ويعمل طبول عبادته الوثنية من جلود بطون فرائسه البشرية، وبقلب مليء بالجفاء والعداء، ملأ الجماجم القديمة بالدماء، في استعداد لشربها جميعها في المساء، بدلاً من الماء، أثناء تناول العشاء.
وبينما هم يرقصون ويهتفون بصورة تُذهل العقول ويدقون الطبول بدقات تُثقب في الآذان الطبول، إذ بهم في ذهول يلمحون شبحاً لشيء مجهول يتحرك فيما جاورهم من حقول.
تركوا القدر ليروا ما أتى به القدر، وأسرعوا نحو هذا الخيال في لمح البصر فإذا به شاب أبيض يبدو عليه التعب من طول السفر. فمضوا به إلى الزعيم بعد أن أوثقوه، وعند قدميه ألقوه.
التفت أفريكانر إلى هذا الشاب الخائر بازدراء، ثم ضحك ضحكة تعالت نحو السماء، مجلجلة في الهواء، فأيقظت سكون المساء، وتردد صداها في أرجاء هذا المكان الخلاء. وعندها تعالت مرة أخرى هتافات القبيلة وصيحاتهم في شكر لآلهتهم التي أرسلت إليهم صيداً جديداً بل وأبيض في هذه المرة.
سأل أفريكانر الشاب المربوط عن اسمه وبلده فأجاب: اسمي روبرت موفات. وبلدي اسكتلندا لكني جئت إلى هنا من لندن. فقاطعه الزعيم قائلاً: تقصد أنك تُهت إلى هنا، فبحق الآلهة لم أر إنساناً نظيرك يتيهه حظه الأسود إلى عرين الأسود. فأجابه موفات بكل ثبات .. كلا .. لم أتُه ولم آت إلى هنا بالحظ، بل قصدت وجئت هذا المكان بإرادتي.
وقف أفريكانر وسأل روبرت موفات باهتمام: هل سمعت عن أفريكانر ؟ أجابه موفات: نعم وأعرف كل شيء عنه ولقد حذرني كل من رآني من أهل البوير من المجيء إلى هنا ولكني تحديت كل هذه التحذيرات وها أنا قد جئت إليكم.
فسأله أفريكانر بكل شغف: إذاً كيف لم تخف ؟ فرد موفات قائلاً: أتيت لكي أخبرك عن الإله الحقيقي، وعن محبة الرب يسوع المسيح لك ولقبيلتك. ساد صمت لمدة دقائق قليلة مضت على المبشر وكأنها أعوام طويلة وكان أثناءها يصلي في قلبه لأجل كل القبيلة. وفجأة صرخ الزعيم عدة صرخات وقال لآكلي لحوم البشر كلها لن نقتل موفات. لن نأكل موفات. وكرر هذه العبارات عدة مرات وأردف قائلاً: إن الشجاعة أعظم صفات الحياة، لذلك سيبقى موفات كمثال للشجاعة. وأمر النساء فصنعوا كوخاً صغيراً من القش سكن فيه موفات بجوار كوخ أفريكانر الكبير.
وفي كل صباح كان المُرسل يجمع الأطفال ليحكي لهم عن المسيح. كان أفريكانر يجلس ليسمع معهم. وفرح الزعيم بمعجزات المسيح العظيم ولكنه حزن عندما سمع من موفات عن صرخات وآلامات وجراحات الرب يسوع. وحينما عرف أنه قد مات شعر لأول مرة في حياته أنه يقاوم دموعه من النزول. ثم لأول مرة في تاريخ هذا القاتل الفظ ينهار في البكاء. ولكن سرعان ما تهلل مع الأولاد عندما علم من موفات أن رئيس الحياة قد قام من الأموات، وإذ فهم قصة الفداء وقوة تأثير دم المسيح كانت المعجزة عندما ركع وصرخ بكل مرار، واعترف بالخطية والعار والأقذار، ثم طلب من الله أن يطهره دم المسيح البار. وتغّير زعيم القتل والخصام إلى صانع العدل والسلام بين كل القبائل المجاورة!!!
وفي عام 1819 أراد روبرت موفات أن يرجع إلى مدينة رأس الرجاء الصالح وإذ كان يحتاج إلى رفيق في رحلته اقترح أفريكانر أن يذهب مع المبشر ولكن روبرت رفض وذكره بأنه طريد الحكومة، وأن حكومة رأس الرجاء الصالح رصدت 1000 جنيه إسترليني جائزة لمن يأتي برأسه. ولكن الزعيم بعد أن صلى أصر على الذهاب مع المبشر فذهبا معاً بعد أن لبس أفريكانر بعض ملابس موفات. ولما وصلا إلى أرض البوير استضافهما فلاح ولما سأل المبشر عن اسمه أجابه المبشر: اسمي روبرت موفات فصرخ الفلاح في رعب كلا.. بل أنت شبحه لأن روبرت موفات قد مات منذ عام فات. فلقد قتله وأكله أفريكانر الشرير ورأى شهود العيان عظامه. فرد موفات: إنها فقط إشاعات فأنا روبرت موفات بل إن أفريكانر نفسه قد تجدد وصار صانعاً للسلام.
فقال الفلاح لن أصدق هذا إلا إذا رأيته بعيني. فأفريكانر منذ سنوات قتل عمي. ولو كان تجدد فعلاً ستكون هذه أعجب المعجزات وأعظم من عجائب الدنيا السبع مجتمعة وأنا على استعداد أن أسافر الأميال لأرى هذه المعجزة. وعندها قال موفات: لن تحتاج للسفر فأفريكانر يجلس بجوارك !! ركض الفلاح بعيداً .. وارتمى على مقعد في الخلف وهو في اضطراب وفزع لا يقوى حتى على الهروب .. ولكن أفريكانر المحبوب ذهب إليه وقال له: كنت مُخيفاً قبل أن أتوب. وانحنى وقّبل الفلاح!!
وعندما وصلا إلى المدينة استقبلهما اللورد تشارلس سومرست الحاكم وفرح جداً لتوبة أفريكانر فأفرج عنه وأهداه عربة تجرها الخيول ليحمل بها أمتعة روبرت معه.
ظل أفريكانر 4 سنوات يبشر بالمسيح في أفريقيا فربح المئات وفي يوم 4 مارس سنة 1833 التف حوله قومه ومئات ممن ربحهم للمسيح حيث أوصاهم باتباع الرب للنهاية ورنم معهم ترانيم السماء وانطلق في سلام ليكون مع المسيح!!
صديقي .. صديقتي: هل تصدق أم لا تصدق ما قرأت ؟ أنا أصدقه ليس فقط لأنه تاريخ صادق ولكن الرب يسوع المسيح الذي غيرني وغّير شاول الطرسوسي (أعمال 9) وأنسيمس (رسالة فليمون) واللص التائب (لوقا 23) والسامرية (يوحنا 4) وملايين كثيرة غيرهم يقدر أن يغيّر أفريكانر بل ويقدر أن يخلصك أنت الآن مهما كانت خطاياك. فإمكانيات دمه وعمله أعظم من كل شرورك فاركع الآن في مكانك وأنت تقرأ هذه الكلمات وصلِ ..
صلاة:
يا من خلصت أشقى المجرمين وفككت قيود المأسورين خلصني أنا الإنسان المسكين بقوة دمك الثمين.. آمين 
منقول voice  of  bible

ايالك و كسر القلوب

# أياك وكسر القلوب..!!
------------------------

فى لقاء تلفزيوني للدكتور مجدي يعقوب اتكلم فيه عن حالة بتحصل لناس بسبب الحزن الشديد اسمها
broken heart syndrome
متلازمة القلب المكسور (الجريح )
دي بتسبب ضعف شديد لعضلة القلب وممكن يحصل للانسان مضاعفات ويموت .
فإوعي تستهين بكلام بتقوله، سواء تريقه او هزار عشان ممكن الهزار ده يكون قاتل .
ممكن كلمه جارحه انت مش مقدر تأثيرها ، تموت حد فعليا .. الكلمه زي الرصاصه فى القلب 💔
ممكن كلمتك اللي شايفها هايفه تسبب كارثه .
فكر في كلامك قبل ما تقوله ، وتصرفاتك قبل ما تعملها ..
واوعي تستهون بكسر القلوب وتقول محدش بيموت من الزعل ..
لا فيه ناس بتموت من الزعل ...بتموت من القهره.. بتموت من عدم التقدير .
بلاش تقسو علي حد لان ربنا رحيم مايحبش القسوة
يقول أيوب "حتى متى تعزبون نفسى ، وتسحقوننى بالكلام؟ ايوب 19-2"
صلوا معايا .. الرب يجبر منكسري القلوب ويداوي كسرهم❤
مع أرق تحياتى. لكل قلب🥰

الق خبزك على وجه المياه (قصه)

الزوجين الطيبين

يحكى عن رجل وامرأتة انهما كانا ساذجين بسيطين جدااااا
محبين للرب يسوع والكتاب المقدس حبا شديدا
وكان من اجمل العادات عندهما ان يحفظا كل يوم اية واحدة على الاقل
من الايات التى تمر بهما اثناء قرائتهما اليومية للكتاب المقدس ثم يحاولا تطبيقهما عمليا
وحدث انهما قرأ يوما الاصحاح الحادى عشر من سفر الجامعة
وكان فى مقدمتة الاية القائلة
ارمى خبزك على وجة المياة فأنك تجدة بعد ايام كثيرة
وافتكر الزوجان لسذاجتهما ان المقصود هو المعنى الحرفى للاية
فعمل صندوقا خشبيا كبيرا يشبة القارب وبعد ان ملاة بالخبز والاطعمة الاخرى وبعض الملاعق والشوك والسكاكين اغلقاة جيدا والقيا بة فى البحر
وتركاة يطفو ويحملة الماء الى بعيد
وحدث بعد عدة سنوات ان تعرض الزوجان الطيبان لتجربة صعبة
تركتهما فقيرين لا يملكان قوت يومهم حتى اضطر الى طلب الالتحاق بأحد الملاجى ولما كانت ملاجئ البلدة التى يعيشان فيها مليئة بالاجيئين
رفض طلبهما واخيرا سعى لهما احد الخيرين والحقهما بملجأ فى مدينة اخرى
وجاء وقت تناول الطعام فرأيا امرا مدهشا
ان ادوات المائدة مكتوب عليها اسماهما انها هى الادوات التى وضعاها يوما مع الاطعمة الكثيرة فى الصندوق الذى القياة فى البحر
وتذكرا حالة الغنى التى كانا بها قبل ان يفتقرا وكيف اصبحا من نزلاء الملاجئ بعد ان كانا يعطيان بوفرة الفقراء والمساكين
فهاجت عواطفهما واخذا يبكيان فلاحظا صاحب الملجأ ذلك فأسرع اليهما وسألهما بحنان عن سبب بكائهما فحكيا لة كل ما كان من امرهما وعندئذ صاح صاحب الملجأ سبحان اللة مجدا لاسم الرب
لو تعلمان انكما انقذتما حياتى من الموت فى يوم من الايام فتعجبا الزوجان جدا
وقالا : نحن انقذنا حياتك من الموت كيف ومتى نحن لا نذكر ؟
فقال الرجل : لقد كنت منذ عدة سنوات مع بعض الرفاق فى سفينة مبحرة الى ميناء هذة البلدة وقبل وصولنا بعدة ايام وقعنا فى مشكلة خطيرة
بسبب نفاذ الطعام كلة وتعذر علينا الحصول على عدة مأكولات وبقينا يومين كاملين لم نذق خلالهما شيئا وصرنا نرفع صلوات حارة الى اللة
لكى يعيننا فى هذة التجربة الصعبة
وفى صبيحة اليوم الثالث رأى احدنا صندوقا يقترب من المركب فأسرعنا تجاة وانتشلناة من الماء ولما فتحناة وجدنا كمية وافرة من الطعام مع بعض الملاعق والسكاكين والاطباق فشكرنا اللة كثيرا
وتناولنا الطعام مسرورين جدا واستطعنا ان نصل الى بلدنا احياء سالمين
فقررنا انشاء ملجأ اعترافا منا بفضل اللة علينا وتذكارا لهذة الحادثة
العجيبة
ووضعنا هذة الادوات بالملجأ لتظل تذكرنا برحمة اللة ومعونتة وها انتما قد رأيتما كيف كنتما واسطة خلاصنا من الموت
قال الزوجان : هذة قصة عجيبة حقا
قال الرجل : والان اقدم لكما الشكر على هذا الصنيع ونعيد تقديم الشكر للة وهاقد وجدتما صدق الاية التى حاولتما تطبيقها قديما لقد رميتما خبزكما على وجة المياة فوجتماة بعد ايام كثيرة فأمكثا هنا معززين مكرمين
ولا تفكرا فى التجربة التى سبب لكما الفقر فأنى واخوانى مؤسسى الملجأ في خدمتكما من كل ناحية حتى النهاية
فعلا مهما عدت السنين والايام ربنا مبينساش
وها يكافئ كل انسان على صنيعة الى عملة فى غيرة

مسيحى يجحد المسيح المصلوب قصه

👈 🌵👈🌵👈🌵👈
🍁 حدث بالفعل فى مصر ( فى عهد البابا ثيؤفيلس الذى جلس على كرسي مارمرقس من " ٣٨٥: ٤١٢ " للميلاد)
👇👇👇

عاش قديماً في الإسكندرية 💆 رجل يهودي غنى جداً اسمه ” فيلوكسينوس ” وبجوار قصره الضخم
👥 دارت هذه المحاورة بين اثنين من الفقراء المسيحيين …
قال الأول : أنظر يا أخي هذا القصر العظيم الذي يملكه فيلوكسينوس اليهودي كم هو جميل وفخم هذا بسبب تبعيته لدين اليهود
➕ أما نحن الذين تبعنا دين المسيح فلا نملك شيئا إلا الفقر كما ترى لا فائدة لنا من أتباع الدين المسيحي
فقال له صديقه : ” كيف تقول هذا يا أخي ؟
🥇ماذا يفيد المال ؟ وما قيمته لدى المؤمنين بالله ؟ ولو تأملت حالتك ستجد انك تتمتع بخيرات كثيرة وبركات أفضل من المال  صحتك وسلامة أسرتك وهدوء ضميرك وانفتاح باب الكنيسة دائما أمامك وتواجد الكتاب المقدس في منزلك نورا
فقال الرجل الأول :
” دعك من هذا كله إني
🥇أريد مالا أريد نقودا ”
وافترق الرجلان وذهب طالب المال إلى فيلوكسينوس اليهودي. وقال ( السلام يا سيدي ، لقد سمعت بخبر احتياج سيادتكم إلى خادم يعمل بالقصر ويسعدني أن أعرض خدماتي انه يشرفني كل الشرف أن أوجد هنا خادما مطيعا وثق يا سيدي انك لن تجد منى إلا كل إخلاص ووفاء
رد اليهودي :
🤔 ” حسن جدا انى أراك تليق ولكن هناك مانع كبير.. إذ انه لا يحل لي وأنا يهودي أن أعاشر رجل غير يهوديا اسمع
🤔 أن كنت محتاج لصدقة فانا اعطيك وتمضى لحالك
♣ أما أن كنت محتاجا للمال فلابد أن تكون على ديني .
فقال : الرجل المسيحى المحب للمال : ” إذن أنا يهودي من الآن أنا مستعد أن أعمل كل ما تأمرني به ”
أخذ فيلوكسينوس هذا الرجل إلى مجمع اليهود وأخبر الرؤساء بأمره وكيف انه اعتزم ترك المسيحية وقبول اليهودية دينا له . فسأله رئيس المجمع
🤔 ” أحقا تجحد مسيحك وتصير يهوديا مثلنا ؟
 نعم إذن قل
👈 3 مرات بصوت مرتفع ” أجحدك أيها المسيح ”
فقالها الرجل المحب للمال ثم سأل ” هل تقبلوني معكم الآن ؟ ” فرد رئيس المجمع ” لا لابد أن تطعن بالحربة أمامنا يسوع المصلوب بعد أن تبصق عليه وتسقيه الخل كما فعل آباؤنا من قبل ….
فسأل الرجل ” وكيف ذلك يا سيدي ” فقيل له ” سوف نصنع لك صليبا من الخشب تعمل فيه كل هذا بعد ثلاثة أيام “. وجاء اليوم المعين 😱ووقف محب المال في وسط مجمع اليهود وقدم إليه الرئيس صليبا من الخشب وأمره أن يبصق عليه وأن يقدم إليه الخل الممزوج بالمرارة ثم يطعنه بالحربة قائلا ” طعنتك بالحربة أيها المسيح ” فأطاع الرجل ولكن بعد طعن الصليب يالهول ما حدث .جرى دم وماء من الصليب واستمر جريانهما حتى بلغا أرض المكان أما الرجل الجاحد منكر مسيحه فقد سقط ميتا يابسا كالحجر وخاف الحاضرون خوفا شديدا  وصاحوا قائلين :” واحد هو اله النصارى نحن مؤمنون به ” ثم أخذوا من الدم ومسحوا عيونهم ووجوههم لأخذ البركة ….أما الغنى فيلوكسينوس فقد انتهزها فرصة عظيمة وأخذ من الدم ودهن
👋 وجه ابنته العمياء فأبصرت على الفور فازداد ثباتا في الإيمان المسيحي وآمن هو وأهل بيته وكثيرون آخرون من اليهود وبلغ الخبر إلى أبونا البطريرك البابا ثاؤفيلس الـ23 فاصطحب ابن أخته الأب كيرلس ( الذي صار بابا للكنيسة فيما بعد ) وجماعة من الكهنة والشعب وذهبوا إلى مجمع اليهود ورأوا الصليب والدم والماء وأخذ منه وتبارك وبارك الشعب أيضا ثم قال ”
👅 ارفعوا الدم المتجمد من على الأرض وضعوه في إناء نظيف ليصبح مصدر بركة لمن يستعملونه بإيمان 👉 أما هذا الصليب فليحمل إلى الكنيسة وليوضع دائما أمام الشعب تذكارا لهذا الحادث العجيب ✋ليعرف الجميع أن مسيحنا لا يموت
💥 وليعرف الناس مصير الذي ينكر يسوع حبا في أي شيء أرضى أما اليهود الذين آمنوا فقد عمدهم البابا وعاد الجميع إلى مساكنهم في غاية من الفرح والسرور .
🌹اخواتى واحبائى مسيحنا اعظم اله
➕ وصليبنا اعظم فخر لنا .يجب علينا ان نفتخر بايماننا ومسيحنا وصليبنا ولانخاف الموت ابدا😊 .ربنا يعطيكم نعمه وبركه آمين
🙏🤷‍♂🙏🤷‍♂🙏🤷‍♂🙏

راقصه تتحول الى قديسه

كانت اشهر راقصة فى مدينة بعلبك بلبنان وكانت اشر انسانة .. كانت كل يوم مع راجل شكل 😱
وكانت بتعبد النار .. كانت جميلة جدا وغنية جدا 😳

👈 فى يوم من الايام كانت بتتمشي جنب جنينة فى بيت واحد غني كان مستضيف عنده قديس مشهور اسمه جيروم من فلسطين وكان القديس بيصلي و هي ماشية سمعته بيقول:
يارب يسوع المسيح ارحمني انا الخاطي
يارب يسوع المسيح ايها الاله الحبيب .. انا بحبك جدا يارب ⁦♥️⁩

👈 استعجبت جدا .. وسألت نفسها ياتري مين ده ؟ وبيسجد لمين ؟
فى حد يحب إلهه الحب ده .. دا طول الليل بيصلي له .. وعمال يسجد له .. ماله فرحان اوي كده ؟؟ هل فيه إله بيشبع كدة فعلاً ؟؟؟
ذهلت لانها كانت بتدور على الحب ماكنتش لاقياه .. مش لاقية راحة ابدا في الناس اللي عرفتهم .. ولقت واحد طول الليل هيمان وهو بيكلم إلهه  💘

👈 راحتله تاني يوم وقالتله لو سمحت كلمني عن الاله بتاعك..
ولما ابتدا يكلمها.. لقت نفسها عمالة تبكي .. فتحت باب قلبها..
وبعد ماكانت اشهر راقصة سابت كل شىء.. وقالت له انا مش راجعة القصر بتاعي ده تاني ✋
القديس قال لها طب روحي فكري شوية بس ..
قالت له افكر ايه ؟؟ ده انت وانت بتكلمني عنه انا دوقته حسيت ان انا ارتويت .. انا مالقيتش شبع مع اى راجل ولا مع الاكل ولا مع الشرب ..
قالها لان ده الوضع الطبيعي اللى ربنا خلقنا بيه انه حط فينا فجوة مالهاش نهاية عشان نتملي بيه هو .. ربنا لمس قلبك وانتي فتحتيله ⁦♥️⁩

👈 افادوكسيا مارجعتش البيت فعلاً .. وراحت لدير راهبات وقالتله انا حتي ما استاهلش اقعد مع الراهبات .. ده انا ماسبتش شر ماعملتهوش 😌

و لأنها كانت لسة مبتدئة سألت القديس علمني اكلمه ازاي؟؟
انا مش هاعرف اتعلم الصلوات بتاعتك
قاللها  ماتقوليش غير تلات كلمات بس..

قال لها قولي:
🌹 يامن خلقتني واحببتني .. ارحمني .. وعرفني ذاتك 🌹

قفلت على روحها في قلاية .. وبعد عشر سنين بقت واحدة تانية خالص ..اتملت من ربنا .. وماكانتش بتفكر فى حد غيره وكأنها تعرفه من أول ما اتولدت ..

- وبعد عشر سنين اول ماطلعت من المغارة .. سمع عنها الأمير ابن الملك اللي كان زمان له علاقة خاطئة معاها .. وقعد يدور عليها لحد ما لقاها ..وعرف انها فى دير الراهبات .. خبط على الباب وقال انا عايز افادوكسيا .. ولو ماجبتوهاش انا هاحرق الدير

👈 فالراهبة راحتلها قالتلها الحقي الامير بيدور عليكي
قالت لها ماتخافيش ادخلي اوضتك وانا ها طلعله
فراحتله وسألته انت عايز مين ؟
قالها انا عايز افادوكسيا
قالت له افادوكسيا اللي انت بتطلبها ماتت من عشر سنين..
قال لها انتي بتخدعينى وبتكذبي عليا
قالت له انا مش باخدعك انا بقولك الحقيقة !!

👈 كانت القديسة طوال العشر سنين بتاكل خبز يابس فقط فشكلها اتغير جدا
القصة بتقول انها كانت جميلة جدا لكن كمان لما صامت اصبحت بعد عشر سنين أجمل من الصورة اللى كانت فيها كمان

ولسة الملك كان هايمد ايده عليها راحت رشمت عليه الصليب ..
بصوا لقوا الأرض انفتحت وبلعت الامير هو وال 100 جندي اللي معاه
ايه ده .. ايه ده .. منين القوة دي 😳

اهي بقت زي ايليا النبي ⁦♥️⁩
ايه الهيبة دي ؟؟  كانت فين الهيبة دي قبل كدة ؟؟
لا ماهي اصبحت زي ما بولس الرسول بيقول:
"احيا لا انا بل المسيح يحيا فيا"

🌹 اللى فى المسيح بيبقي خليقة جديدة 🌹
🌹 فهي بقت مش هي .. بقت واحدة تانية 🌹

الملك سمع بالموضوع ده فراح الدير
وقالها انتي ساحرة .. انتي قتلتي ابني انا هاحرق الدير باللي فيه
قالت له انت جاي تحرق الدير والا جاي عايز ابنك؟؟
قال لها يعني ايه ؟
قالت له انا باسألك سؤال بسيط انت حضرتك جاي تحرق الدير ولا عايز ابنك ؟
قال لها ابني ما انتي موتيه .. قالت له لا انا ماموتهوش
ده انا رشمت عليه الصليب فانفتحت الارض وبلعته .. ربنا دافع عني لأن ابنك كان عايز يأذيني .. لكن انت لو كنت عايز ابنك انا هاطلب من الهي يرجعلك ابنك تاني

بص لها الملك وقال لها انتي بتقولي ايه؟!!! انتي مجنونة !!!
قالت له لأ مش مجنونة انت هاتخسر حاجة لما تنتظرني أصلي؟؟
قالها صلي!!!
وقفت تصلي عشر دقايق بس..

👈 صلت القديسة لربنا وقالت له يارب الناس دي ماتعرفكش
لسه ما اكتشفتكش.. فتح عيونهم وبصيرتهم خليهم يشوفوا اللى انا شوفته ارجوك يارب .. صلت بدموع وصرخت لربنا
وقالتله ارجوك يارب اكشف عيون العميان خليهم يشوفوك انت الناس دي مش شايفينك ..

👈 واول ماخلصت الصلاة قام الامير من الموت .. وابتدا يحكي لهم انه راح الجحيم في مكان مظلم جدا .. وشاف واحد منير عرف ان ده الإله  شاف المسيح ⁦♥️⁩
والمسيح قاله :
من اجل صلاة افادوكسيا بنتي انا هاديلك فرصة تانية .. وقام الامير وآمن بالمسيح وبقي راهب 💪

👈 وبعد كذا سنة اتنيحت رئيسة الدير .. فالراهبات رشحوها تكون رئيسة الدير .. فرفضت بشدة .. لكن لما الراهبات ألحوا عليها
وافقت تطلع يومين بس من القلاية بتاعتها ⁦♥️⁩

💥 الله يغير أشر الناس .. يخليهم أبر الناس 💥

بركة صلواتها تكون مع قلوبكم جميعاً 😘😘

العمل بيدين راضيتان (مسئوليه الزوجه قى المنزل)

العمل بيدين راضيتان

جوزي سمعني في مره وانا عماله اهري مع نفسي من شغل البيت وتنضيفه والأولاد والمذاكرة
ففتحت الكتاب المقدس
في امثال ٣١ ولقيت الكلمة دي قدام عيني
"#تَعْمَل_بيدين_راضيتين"

دى آية بتحكى صفة من صفات المرأة الفاضلة سرحت فيها وقعدت أقول
"كنت عمَّالة اهرى في نفسى بكلام كتير ..
كله ياخد أجازة من شغله إلا الأم!
مكتوب عليَّ اشتغل مسح وتنضيف كل يوم ومفيش جديد!
كل يوم بعمل اللى بعمله ده وآخر اليوم كأنى معملتش حاجة!
بس الآية "#تعمل_بيدين_راضيتين" ماعدتش من يومها عليَّ مرور الكرام، لكن الرب قصد بيها ينور ذهنى ويكشف لى أمر جديد حابة اشارككم بيه:🙏🙏
ياترى هيكون إيه إحساسى لو عيالى كبروا وواصلهم رسالة إنى طول ما أنا كنت بربيهم كنت حاسة بإنى أم مقهورة بسبب الأمومة وتعبها؟؟
يفرق معايا إن الولاد يكبروا وهم حاسين إنهم محبوبين بلا شروط وبعمل لهم طلبات بقلب فرحان💗 ..
بمجرد إن الآية غيرت تفكيرى بقيت مبسوطة وانا بعمل شغل بيتي من الصغير للكبير ..
راضية اتعامل مع طلبات بلا حدود ..
راضية افك اشتباكات ..
راضية لإنى استلمت المهمة من الله ..
راضية لإن اللى بتعب عشانهم يستاهلوا أحسن ما عندى .. لأنهم حته مني
أنا هكون راضية بجد لإنى بحب بيتي وأولادي ..
إبدأى يومك بالتوجه ده وماتسمحيش للأفكار السلبية والهرى يتسربوا لدماغك ..
كلمى نفسك دايما بالحق انشالله تعملى كده بصوت عالى ..
خلونا نفصل مابين تعب المهمة .. وغلاوة بيتي واللي بحبهم ..
وكمان لازم اريح لما اتعب بالطريقة اللى بتفرفشنى .. أقرا .. اشرب شاى .. ارنم بصوت عالى .. اصلى الرب يشحنِّى بالطاقة .. وخلونا ماننساش ان الرب شايف ومقدَّر تعبنا ..
ربنا يحافظ علي بيوتنا وأولادنا ويدينا الحكمة والنعمة منه
#أمين

ايمان ام عظيمه

حكايه حقيقيه
الأم العظيمه

 هذه القصه سمعتها من طبيب عيون صديق لي؟ (هو الآن ابونا فلان )  قال:
وانا اعمل بعيادتي دخلت سيده بسيطه تقول لي انها تشعر  ان عين ابنتها اليمنى غير طبيعيه، وقالت لي اكتب لي قطره حتى لو كانت غاليه لان العين اهم شيء  .فحصت عين الطفله وبدأت أشك في .. فطلبت منها ان تحضرها غدا لافحصها تحت تاثير مخدر، حيث انها طفله صغيره ،وفعلاجاءت الأم مع طفلتها وعلامات القلق تبدو على وجهها  ..وعندما فحصتها زادت شكوكي  ! فطلبت منها عمل موجات صوتيه واشعه مقطعيه ..بدات اتاكد   من المأساه-يا للهول كيف استطيع ان أخبر أم ان ابنتها لديها ورم نادر جدا يصيب الاطفال يسمى retinoblastoma !!
وكان علاجه وقت ذاك (منذ٢٠سنه)قبل اكتشاف وسائل العلاج الحديثه هو استئصال العين قبل ان يمتد للمخ والعين الاخرى !
خرجت من هذا المأزق بأن حولتها الى الاستاذ فلان( غير مسيحي)
وفعلا اخبرها انها تحتاج الى استئصال للعين باسرع وقت وبمساعدة استاذ التخدير (فلان) والعمليه تتكلف  مع الرأفه ٣٠٠٠ جنيه وكان ذلك مبلغا فادحا وقتها .
هل تتخيل وقع الخبر على هذه الأم المسكينه !!
فهي ستدبر المبلغ لا لكي تشفى ابنتها بل لكي تستأصل  ...
بعد ان افاقت من الصدمه بدات تدبر المبلغ وبصعوبه شديده جمعته ، وقبل ان تذهب للطبيب قررت ان تأخذ بركة ابو سيفين فتوجهت لكنيسته بمنطقة امبروزو بالاسكندريه
،وهناك  انهارت في البكاء لمدة ربع ساعه متواصله واخيرا توصلت الى حل  ،هل تعرف او تخمن يا صديقي ماهو ؟؟؟؟
نعم  ! لقد اخرجت ٣  ظروف  كل ظرف به ١٠٠٠ جنيه هو كل المبلغ المطلوب الذي جمعته جنيها جنيها ،واسقطته بالصندوق امام ايقونة ابو سيفين بعد ان اضاءت شمعه   ،ومسحت دموعها  وشعرت بقوة تسري في داخلها وعادت للمنزل في سلام.
قال صديقي الطبيب :ثم عادت الي بالعياده في اليوم التالي وقالت لي اكشف على بنتي ؟حاولت التملص من الموضوع وارجعت لها الكشف ولكنها اصرت ..وهنا كانت المفاجأه !!!لم اصدق نفسي ماذا حدث ؟  معقوله !!العين سليمه ١٠٠% !!
حكت لي القصه فمجدت الله وقديسيه وطلبت منها التوجه للاستاذ فلان ليتاكد من المعجزه
وفعلا ذهبت اليه وظن في البدايه انها العين السليمه وانه كتب اليمنى بدل اليسرى ثم فحص العين الاخرى فوجدها سليمه فسألها هل هذه اختها التوأم ؟فقالت له بل هي نفس الطفله  ، لكنه اراد ان يتأكد قبل ان يقول كلمته فطلب منها عمل نفس الاشعات ثانية،   وتأكد من انها سليمه ،فقال لها  كيف حدث هذا ؟ قالت له   يا دكتور دا ربنا وشفاعة ابو سيفين
قال لها الاستاذ: اسمع عن المعجزات التي تحدث عندكم ولكني رأيتها اليوم بنفسي !!!!!
- اتسعت عيناي وانا اسمع من صديقي الطبيب القصه وقلت له، انا لست متعجبا من المعجزه فانا اعرف قوة الله في قديسيه ولكني اتعجب من ايمان هذه الام العظيمه  !!
الم تفكر لحظه ماذا لو لم تحدث معجزه ؟كيف ستدبر المبلغ ثانية ؟ فالطبيعي ان انذر شيئا واذا تم اوفي النذر  !!
"يا امراة عظيم ايمانك! ليكن لك كما تريدين، فشفيت ابنتها من تلك الساعه " مت ١٥:٢٨
اقرأ وارسلها لآخرين

متكونشى وطن زائف قصه وعبرة

متكونش وطن مزيف..

سمعت حكايه لطيفه بتقول ان كان فيه ملك و عنده جيش كبير و ف مرة كان راجع من الحرب لقى حارس البوابة واقف على الباب بيرتحف لأنه كان راجل كبير فسأله الملك
+انت ليه واقف بلبس خفيف اوي ف البرد ده؟
- قاله مش معايا اجيب لبس تقيل انا جبت لولادي و اديني بتحمل و اتعودت
اشفق الملك جدا و وعده بأنه لما يدخل القصر هيبعت له حارس بلبس تقيل من عنده
فرح الحارس جدا و فضل منتظر ايام كتيرة
و بعد كام يوم كان الملك خارج و افتكر يتطمن ع الحارس سأل عليه الحراس قالوله انهم جم بعد 5 ايام من مقابلته الأولى للملك و لقوا اتجمد و مات
أتعجب الملك و سأل وزيره ازاي و هو متعود بقى له سنين يموت بسبب البرد
رد الوزير و قال إنه مات لأنه اتعشم و حط امل فيك و انت خذلته.. فالأمل اللي كان عايش عليه اختفى
خلاصة القول متكونش وطن لحد و تخذله.. متعودش انك هتستمر تحب و تقدر و تقبل و في الاخر تستسلم لأنه يجوز في حياه حد متعلقة بوعدك ده
متكونش وطن مزيف 😀

معادلات روحية

حسابات جمع وطرح وضرب وقسمة

قراءه × الانجيل ÷ طول + العمل بالوصية = حياة ابدية

الاعتراف +توبة حقيقيه= غفران للخطية

خاطئ + دموع توبة - خطية = بداية ثانية

عبوديه + المسيح = حرية

حريه - المسيح = عبودية

صوم + صلاه = انتصار ÷ الشيطان

الاعتماد ÷ الله × كل حين = نجاح عظيم × حياتنا

عمل الاعمال الصالحة ÷ الارض = اجور × السماء

الاتكال ÷ الله + وضع النفس × يد الله = حياة الانتصار ÷ العدو

تعلم من النسر وبص للشمس

النسر

هو الكائن الوحيد مش بس الطائر الوحيد اللي يقدر يبص للشمس لمدة ١٠ دقايق وعينيه متتعبش ، وعشان كده لما الصياد يجي يصطاد النسر .. فالنسر يجري بسرعة ناحية الشمس ، عشان الصياد لما يبص عليه عينيه تيجي في الشمس وميقدرش يصطاده.
الله خلقك نسر ، وبيجدد مثل النسر شبابك ، فلما يجي إبليس عشان يصطادك إجري بسرعة في إتجاه شمس البر ربنا هتلاقي إبليس الصياد مش قادر يقف ولا قادر يفتح عينيه قدام شمس البر. ((صلي اطلبه وقوله انقذني من ابليس انا بحتمي فيك ))