قصة الفقير يشعر بالفقراء

 لا يشعر بالفقراء إلا من كان منهم.. #قصة في عطاء شاعر فقير 

استدعى أحد الخلفاء شعراء مصر .. فصادفهم شاعر فقير بيده جرّة فارغة ذاهباً إلى البحر ليملأها ماء ..

فرافقهم إلى أن وصلوا إلى دار الخلافة .. فبالغ الخليفة في إكرامهم والإنعام عليهم ..

ولّما رأى الخليفه الرجل والجرّة على كتفه ونظر إلى ثيابه الرّثة .

قال له: من أنت؟ وما حاجتك

فأنشد الرجل:

ولما رأيتُ القومَ شدوا رحالهم

إلى بحرِك الطَّامي أتيتُ بِجرتّي

فقال الخليفة:

املأوا له الجّرة ذهباً وفضّة.

فحسده بعض الحاضرين وقالوا للخليفة:هذا فقير مجنون .. لا يعرف قيمة هذا المال .. وربّما أتلفه وضيّعه.

فقال الخليفة:هو ماله يفعل به ما يشاء .. فمُلئت له جرّته ذهباً وخرج إلى الباب ففرّق المال لجميع الفقراء ..

وبلغ الخليفة ذلك .. فاستدعاه الخليفة وسأله عن ذلك!

فقال الرجل:

يجود علينا الخيّرون بمالهم

ونحن بمال الخيّرين نجود

فأعجب الخليفة بجوابه .. وأمر أن تُملأ جرّتُه عشر مرّات ..

وقال: الحسنة بعشر أمثالها.

فأنشد الفقير هذه الأبيات الشعريةالتي يتم تداولها عبر مئات السنين:

اﻟﻨﺎﺱ ﻟﻠﻨﺎﺱ ﻣﺎﺩﺍﻡ ﺍﻟﻮﻓﺎﺀ ﺑﻬﻢ

ﻭﺍﻟﻌﺴﺮ ﻭﺍﻟﻴﺴﺮ أﻭﻗﺎﺕ ﻭﺳﺎﻋﺎﺕ

ﻭأﻛﺮﻡ ﺍﻟﻨﺎﺱ ﻣﺎ ﺑﻴﻦ ﺍﻟﻮﺭى ﺭﺟﻞ

تقضى على ﻳﺪﻩ ﻟﻠﻨﺎﺱ حاجات

ﻻ‌ ﺗﻘﻄﻌﻦ ﻳﺪ ﺍﻟﻤﻌﺮوﻑ ﻋﻦ أﺣــد

ﻣـﺎ ﺩﻣـﺖ ﺗـﻘﺪﺭ ﻭﺍلأ‌ﻳـﺎﻡ ﺗـــﺎﺭﺍﺕ

ﻭﺍﺫﻛﺮ ﻓﻀﻴﻠﺔ ﺻﻨﻊ ﺍﻟﻠﻪ إﺫ ﺟﻌﻠﺖ

إﻟﻴﻚ ﻻ‌ ﻟﻚ ﻋﻨﺪ ﺍﻟﻨﺎﺱ ﺣﺎﺟـــﺎﺕ

ﻓﻤﺎﺕ ﻗﻮﻡ ﻭﻣﺎ ﻣــﺎﺗﺖ ﻓﻀﺎﺋﻠﻬﻢ

ﻭﻋﺎﺵ ﻗﻮﻡ ﻭﻫﻢ ﻓﻲ ﺍﻟﻨﺎﺱ أمواتُ.

#همسة :

التلذذ بالعطاء وقضاء حوائج الناس .. لا يعرفه سوى العظماء ..

وأصحاب الأخلاق الفاضله .. والموفق من وفقه الله ...

7 خرافات زوجيه

 ٧ خرافات زوجية.. د.مجدي إسحق 

١-رأي عيلتك مش مهم .. 

الحقيقة ان اللي تعب في تربيتك هو ادري حد بطبعك و مصلحتك ، و هو الاقدر علي الاختيار معاك ..

كمان من حقه يفرح بيك و معاك و من الاجحاف انه يربيك العمر كله و تستخسر فرحته بيك ، و انك تهمل رأيه اللي اكيد لمصلحتك..

و كمان في بركة الاب و الام اللي ربنا بيديهالك من خلالهم.. و اللي مالوش خير في أهله مالوش خير في حد ، و ما لوش بركة في زواجه..

كمان الارتباط بيبقي بين عائلتين متوافقتين مش بس بين فردين ..

يبقي حتي لو غير راضيين او حتي شعرت انهم غير راضيين، من الأمانة انك يا تستني رضاهم و انت بتصلي و معاك مشورة صالحة  ، او توقف الموضوع كله لو رفضوا ..

٢-الحب اعمي ..

و الحقيقة ان الحب ينير بصيرتك اكتر لتري من تحبه كما هو ، لا كما تتمني ان تراه ..

و لو شعرت باندفاع و عند و مكابرة و قفلت ودانك و عقلك و ما سمعتش صوت حد غير نفسك و بس ، و ما انتبهتش لتحذيرات ضميرك و اهلك و أهل الخبرة، يبقي مش الحب اللي اعمي،  انت اللي أعمي !!

٣-اللي يحب مرة (الحب الاول) ما يعرفش يحب مرة تاني ..

غلط ..

اللي يحب مرة و يكتشف انه أساء الاختيار او اكتشف عدم التوافق او اندفع او اتخدع ، ده بس كان في مرحلة "الافتنان" ، اللي هو حب بلا منطق و لا عقل و لا مشورة و لا توافق و لا بركة الهية ..

يقدر ياخد قرار تاني و تالت انه يحب صح ، و يختار صح ، و يمشي خطوات صح .. 

 

٤-زواج الصالونات مرفوض ..

غلط ..

اسمه زواج "الترشيحات " .. 

فيه مرات لا نجد الشخص المناسب في مجال الجامعة او العمل أو العيلة او الأصدقاء.. 

و فيه مرات بيبقي الظروف غير مهيئة لاختيار من هذه المجالات بسبب قلة الفرص او السفر او التخرج و ترك الجامعة او قلة الأصدقاء او قلة مجالات الاختيار..

لا توجد طريقة واحدة للزواج .. و رفض الترشيحات "المناسبة"  لمجرد الرفض خطأ شائع ..

الشرط ان يكون الترشيح من شخص موثوق ، و تترك الفرصة الكافية للتعارف مع الصلاة و المشورة الصالحة..

٥-فوت علشان الجوازة تمشي ..

يا تري ح تفوت ايه ؟؟

فيه شوية حاجات بسيطة و طبيعية بين اي اتنين ، تتداوي بمشورة زوجية صالحة ..

و فيه صفات قاتلة و طباع مميتة لا تنصلح، و الطبع غلّاب ، و ديل الحصان (مشيها الحصان) عمره ما يتعدل، و لو اتعدل يبقي بالمرار و طلوع الروح ؛ 

زي العند و البخل و السيطرة و عدم الالتزام و الاستهتار و عدم الاحترام، و هيمنة الاهل المريضة و اضطرابات الشخصية زي الوسوسة و النرجسية و القلق المرضى و الكآبة المرضية ..

القاعدة قلناها قبل كده : الخطوبة بروفة ، لو فشلت اوعي تصلحها بالزواج ..

٦-مش مرتاح بس ح اكمل ، بدل ما الفرصة تروح و اقعد من غير زواج ..

فيه مجس واضح جوه النفس اسمه "راحة القلب" و الاقتناع و السلام و الرضي ..

و مع تشجيع القلب الجوانى ، تشجيع الاهل و الأصحاب و أهل الخبرة و المشورة ..

كمان تلاقي نفسك زي اللي بتحبه، و تشوف طباعك فيه ، و تحس ان اهله اهلك ، و ان قراراتكم متوافقة ، و انه شاريك قوي و مفرحك و عاوز يسعدك ، و بيحترمك و بيحترم وقتك و زعلك و بيتك و طموحك..

اول ما تشعر بعدم راحة في اي حاجة من دول يبقي الف خطوبة "فك" و لا جوازة "عك" ..

٧-المتدين هو اضمن واحد للجواز.. 

تاني و تالت ، كلمة صح بس عاوزة حرص شديد جدا..

لان فيه ناس (قلة) بتخبي عقدها تحت ستار التدين المزيف ..

و انت ببساطة تطمن ليهم لما تشوفهم كده و ما تدققش و لا تشوف تصرفاتهم العملية و لا تربيتهم و لا اخلاقهم الحقيقة..

مخافة الله مش بس في كلمتين محفوظين و لا تواجد كثيف في محافل العبادة ، لازم قبل ده تربية صح و نفس شبعانة و أخلاق ملموسة ، من غير عقد و لا تزمت و لا تمثيل ..

تأمل فى أية يبتهج بك ترنما

فضلت كتير مش فاهمة الآية دي :

" يبتهج بك بترنم " ( صف 3) وفاكرة اني وقفت عندها كتير جدا وانا بحضر سفر صفنيا من سنتين .. لغاية ما روحت اشتري عصفور كناري .. وانا عند الراجل بتاع العصافير سمعت صوت عصفور بيعمل نغمات جميلة جدا بصوته .. انا مكنتش اعرف وقتها صوت لكناريا ايه .. فسألت الراجل بتاع العصافير هو ده صوت ايه ؟؟ قاللي : دي كناريا قولتله ودي بكام ... قاللي طبعا سعرها غالي جدا اغلي من كل العصافير كان تقريبا وقتها ب 300 ج قلت : طيب يعني لما اشتريها هتغني عندي كدة بنفس الطريقة قاللي : العصفور ده صاحب مزاج .. قلت : يعني ايه ؟؟؟ قاللي يعني مش هيغني كدة غير لما يكون مبسوط ومزاجه رايق قلت للراجل: يعني اعمل ايه يعني علشان ينبسط ونظبط مزاجه ..😃😃 قاللي : لازم تنوع في الاكل ... ذي فاكهة وبيض مسلوق .. لازم ياخد شاور كل شوية في الحر .. علبة مية صغيرة وهو هينزل فيها وبعدها يتشمس لازم كمان يبقى القفص في مكان عالي وهادئ . مطولش عليكم ... اشتريت الكناريا وعملت معاها كدة فعلا اول يومين مكنتش بتعمل صوت .. بعدها سمعت صوتها الجميل .. طرت من الفرحة وقعدت اسجل في صوتها واصورها فيديو ... هو ده بالظبط معنى الاية .. ازاي ؟؟ الكناريا .. هي انا وانتم .. ربنا بيهيئ لينا كل حاجة علشان يسمع صوت تسبيحنا .. بينوع في الاكل : بينوع في الخير اللي بيعمله معانا ومعطي بسخاء للكل بيحط علبة مية علشان ناخد شاور : وده باب التوبة المفتوح لينا .. بيرفعنا فوق العالم ... وبيدينا فرص حلوة نختلي معاه في خلوة حلوة .. بعد ما بيعمل كدة .. الكناريا ( انا وانتم ) اذا استجابت وغنت نغمات طويلة .. ساعتها هو بيفرح جدا ويبتهج وبيقول " اريني وجهك ، اسمعيني صوتك لان صوتك لطيف ووجهك جميل " فرحوا قلب ربنا بتسبيحكم وتوبتكم ... طالما هو هيأ لينا الجو المناسب .. ليه منرنمش ونفرح قلبه خليه يبتهج بنا بترنم .. ❤

الحذاء القديم (قصة)

قصة لها معني الحذاء القديم

!!! يحكى أن حكيما كان يمشي مع أحد تلاميذه بين الحقول وأثناء سيرهما شاهدا حذاء قديما اعتقدا أنه لرجل فقير يعمل في أحد الحقول القريبـة والذي سينهي عمله بعد قليل ويأتي لأخذه . فقال التلميذ للحكيم : ما رأيك لو نمازح هذا العامل ونقوم بإخفاء حذائه وعندما يأتي ليلبسه يجده مفقوداً فنرى كيف سيكون وتصرفه ! فأجابه الحكيم الجليل : "يجب أن لا نسلي أنفسنا بأحزان الآخرين ولكن أنت يا بني غني ويمكن أن تجلب السعادة لنفسك ولذلك الفقير بأن تقوم بوضع قطع نقدية بداخل حذائه وتختبئ كي تشاهد مدى تأثير ذلك عليه" !! أعجب التلميذ بالاقتراح وقام بوضع قطع نقدية في حذاء ذلك العامل ثم اختبأ هو و الحكيم خلف الشجيرات ؛ ليريا ردة فعل ذلك على العامل الفقير .. وبعد دقائق جاء عامل فقير رث الثياب بعد أن أنهى عمله في تلك المزرعة ليأخذ حذاءه ، وإذا به يتفاجأ عندما وضع رجله بداخل الحذاء بأن هنالك شيئا ما بداخله وعندما أخرج ذلك الشيء وجده (نقوداً) !! وقام بفعل الشيء نفسه في الحذاء الآخر ووجد نقوداً أيضاً !! نظر ملياً إلى النقود وكرر النظر ليتأكد من أنه لا يحلم .. بعدها نظر حوله بكل الاتجاهات ولم يجد أحداً حوله !! وضع النقود في جيبه وخر على ركبتيه ونظر إلى السماء باكيا ثم قال بصوت عال يصلي : "أشكرك يا ربي يا من علمت أن زوجتي مريضة وأولادي جياع لا يجدون الخبز ؛ فأنقذتني وأولادي من الهلاك" واستمر يبكي طويلاً ناظرا إلى السماء شاكرا هذه المنحة الربانية الكريمة . تأثر التلميذ كثيرا وامتلأت عيناه بالدموع ،، عندها قال الحكيم الجليل : "ألست الآن أكثر سعادة مما لو فعلت اقتراحك الأول وخبأت الحذاء ؟ أجاب التلميذ : "لقد تعلمت درسا لن أنساه ما حييت ،، الآن فهمت معنى كلمات لم أكن أفهمها في حياتي : "عندما تعطي ستكون أكثر سعادةً من أن تأخذ" . فقال له الحكيم : لتعلم يا بني أن العطاء أنـواع : - الصلاة من اجل أخيك عطـاء - عدم التكلم علي أخيك في غيبته عطاء - التماس العذر لاخيك عطاء 🌹يجب ان يكون العطاء بحب وفرح ومجانية وفي الخفاء لكي نتمتع بحياة لها معني.... من كتاب حياة لها معني...

لآ تؤخذ الناس من مناظرهم

لا تأخذ الناس من مناظرهم

سواق الاتوبيس انهارده كسر على واحد . فكسرله الفانوس بتاع عربيته ... كان قبلها الشاب ده سايق عادى ف حاله و راكب عربيه "بى ام" . لو شوفتها تقول ملك جواها . و سواق الاتوبيس ماسك التليفون و بيقول للى بيكلم واحد و بيزنق على الشاب ده و بيقول للى بيكلمه . عيل طرى و هعلمه الادب .. فى لحظات كنا بنقوله . يا عم سيبه ف حاله . يقول ما اللى يركب عربيه زى دى معاه يصلحها .. فضل من عبدالمنعم رياض لحد الاسعاف يزنق عليه . و يرخم . لحد ما شاله الفانوس و طبقله الاكصدام .. و سبق و الواد وقف .. على غير العاده . كل الركاب وقفوا و زعقوا و خلوا السواق يوقف الاتوبيس و اللى جنبى سحب المفتاح بتاع الاتوبيس و نزل ورا الناس .. و جريوا على الشاب ده و مبقتش فاهم ايه اللى بيحصل . فى ملحمه انسانيه مش مفهومة .. الغريب اننا لما وصلنا للشاب ده و طبعا كان نزل من العربيه . لقيناه قاعد على الرصيف بيندب حظه .. و لا اكن اب ماتله عيل من عياله .. الازمه اننا لما شوفناه اكتشفنا انه شكله ميوحيش انه صاحب العربيه .. شاب الشقا باين عليه و هدومه عاديه جدا . متجيش حتى تمن ربع فلوس فانوس العربيه اللى سايقها .. صدمته بكمية الناس اللى حواليه مش مفهومه . و هو بيعيط و بيقول و الله ما عربيتى .. مكانش فاهم اننا اللى كنا راكبين الاتوبيس .. بيقولنا انا سواق لمعرض تأجير و ده تالت يوم ليا . و بقا يخرج صور وصولات الامانه اللى ماضيها . و يقولنا انا مصدقت الاقى شغل . و مش هعرف ادفع تمن ده .. و بيتى هيتخرب .. فى لحظة كان السواق وسطنا و بيدور على المفتاح و كل ما يروح لحد ميلاقيهوش . لحد ما دخل علينا الولد اللى خد المفتاح و ساحب ف ايده ظابط جايبه من قدام دار القضاء . اكنه حاسس بالشاب السواق ده .. يابنى طيب حساب الحاجات دى كام .. قال رقم كان كبير نسبيا . كان حوالى ٢٥٠٠ جنيه .. سواق الاتوبيس قال مش دافع . قولناله مافيش مفتاح و نروح القسم و هتدفع و هنشهد .. من هنا لهنا وقفوا مع الظابط و خلاه راح جاب ٢٠٠٠ جنيه م الاتوبيس تقريبا ايراد كذا يوم يعنى ... العجيب بقا ان و هما واقفين مع الظابط واحدة ست ظهرت من النص و بدأت تلم مننا فلوس . و حطت ١٠٠ جنبه و بقا كل واحد يدفع اللى معاه . خمسين من هنا على ١٠٠ من هنا .. فلوس كتير و خدتنى و رجعنا الاتوبيس . كان لسه فى ركاب قاعدين . و فهمتهم و اللى دفع منهم .. لمينا اكتر من ١٣٠٠ جنيه .. الظابط نفسه بعد ما السواق دفع رجعلنا و خد الفلوس و سالنا دول كام . و شال ٣٥ جنيه و حط مكانهم ٢٠٠ جنيه .. بقا معنا ١٥٠٠ جنيه .. و الشاب ركب العربيه و لسه هيدور و يمشى . الست الجميله راحت خدت الفلوس و طبطبت على كتفه ... و قالتله دول مننا عشان عطلناك معانا و حلاوة الشغل الجديد .. و الشاب مشى و هو مش فاهم احنا طلعناله منين و ليه وقفنا معاه ... و احنا رجعنا الاتوبيس مش فاهمين ايه اللى حركنا من الكراسى بتاعتنا و خلانا نعمل كده .. مين اللى ادا لعقولنا الامر بانها تتجنن و تتحرك و لقلوبنا اننا يصعب علينا حد منعرفوش و نحس بانه اتظلم .. و اد ايه الشاب ده رزقه واسع و ربنا معاه و ف ضهره و خلا اكتر من ١٠ بنى ادمين يقفوا وراه و ميسبوش حقه .. حقيقى .. ربنا كبير اوي وطيب القلب وحنين جدا

افتكرتك من اهلى !!)

افتكرت من اهلى

زمان لما كان العرب بيقيمو الأفراح كانوا بيوزعو اللّحمه في رغيف . فا لو صاحب الفرح  لقي أن عدد الحضور اكبر من عدد قطع اللحم الي عنده أو انه خايف من كده ، يقوم يلف العيش في بعضه ( من غير لحمه ) ويوزعه على القريبين منه او الي فاكر أنهم هيسترو عليه عشان يوفر اللحمه للاغراب !
واحد من الرجاله دول في فرح يخصه وزع العيش من غير لحمه على عدد من قرايبه وأصحابه الي بيحسن الظن بيهم.
فبدأوا ياكلوها بالفعل وكأنها فيها لحمه لكن واحد فيهم فتح العيش ونادى على صاحب البيت وقاله " يا أبو فلان العيش من غير لحمه "
فرد عليه صاحب البيت " حقك علي افتكرتك من أهلي "
في الزمن ده  ، اد ايه أنخدعنا بأشخاص كنا فاكرين أنهم مننا وهيردو غيبتنا ويحموا ضهرنا ويخلصوا لينا .
اتأكدو كويس اوي على مين هتوزعو العيش !

الفكر الصوفى اصلى وفلسفته (عن ويكبيديا)

الفلسفة الصوفية هي مجموع من المدارس الفكرية الصوفية في الإسلام. وقد يرتبط الفكر الفلسفي التصوفي وتقاليده مع الإسلام السني أو مع الشيعة لكن بأكثريتهم لا يهتمون بالاختلافات السياسية بمن يحق له حكم المسلمين. وللصوفية طرق مختلفة لكنها جميعا تعتمد على أسس فلسفية موحدة تعتمد على تعاليم نبي الإسلام الأساسيسة والتي وصلت إليهم عن طريق السند المتصل. والاختلاف الأساسي بين الفرق هي في المسلك الذي يعتمده شيخ الطريقة في تحقيق الإهداف الصوفية والتي هي الوصول إلى المعرفة الحق بفناء ذاتية نفس الصوفي مع الله.^[1]

ويعتقد أن الفكر الصوفي نشأ في الشرق الأوسط في القرن الثامن. ويوجد له أتباع في جميع أنحاء العالم.^[2]

ظهر الأدب الصوفي في حوالي سنة 1000 على شكل شعر وأطروحات وأصبح مصدراً للتفكير والتأمل الصوفي. تعتبر الفلسفة الصوفية، مثل جميع التقاليد الفلسفية الكبرى الأخرى، لديها العديد من الفروع بما في ذلك الميتافيزيقيا و علم إلكترونيات ، وكذلك مفاهيم عديدة وفريدة.

ج

مبادئ التصوف الأساسية

المبدأ الأساسي للصوفية هي أن تعاليم الإسلام القرأنية تدل على إمكانية الوصول إلى الله عن طريق تجربة شخصية ذاتية من دون الأعتماد على الفلسفة العقلية والتي تؤدي إلى المعرفة الحق المطلقة. وهذا يدل أن الصوفي يعتقد بوجود ملكة شخصية تمكن الإنسان من توفير المعرفة غير العقل المنطقي. ويمكن الوصول إلى هذه الحالة باتباع شعائر معينة، لكل طريقة شعائرها، مثل ترديد الكلمات عند النقشبنديين أو الموسيقى عند المولويين.^[3] ويؤمن الصوفيون أن التجربة الشخصية هي طريقة تصاعدية سُلَميّة تنقل معرفة المريد من مرحلة المعرفة المادية إلى المعرفة النهائية التي يسمونها "اليقين" أو "الفناء بالله". ومن أسس الشعائر الصوفية أن يتدرب المريد على التغلب على كل الشرور النفسية مثل الغضب والأنانية والشجع) ومن كل أنواع الحب ما عدى حب الذات الإلاهية. ومن أهم السلوكيات الصوفية هما التخلية (أي تطهير النفس من رذائلها) والتحلية (أي ملء النفس بالأخلاق الفاضلة).^[4]

السلسلة الذهبية

يعتبر الصوفيون أن مبادئهم وشعائرهم هي نفس المباديء والشعائر التي اتبعها نبي الإسلام والتي أدت لتجلي الوحي الإلاهي له. وهذه المباديء والشعائر انتقلت بالتوارث من النبي نفسه إلى شيوخ الطرق الحاليين عبر سلسلة طويلة من شيوخ الطرق والذين تعلموها من شيوخهم عبر الأجيال. ومن شعائر المريدين أن يحفظوا أسماء كل شيوخ السلسلة. ولكل طريقة سلسلة مختلفة عن الأخرى مع أنها كلها تلتقي بالنبي إما عن طريف أبو بكر الصديق أو علي بن أبي طالب أو سلمان الفارسي. ولا تنتقل السلسلة عن طريق التوارث العائلي بل أن الشيخ ينقلها إلى مريد يرى أنه وصل إلى درجة عالية من المعرفة والتوحد مع الله

تاريخ فلسفة الصوفية 

يرجع أصل التصوف كعبادة إسلامية إلى رسول الله محمد إذ يعتبر أنه أول صوفي لأنه أول من اختلى في غار حراء من أجل العبادة^[5]. وأن التصوف يستمد أصوله وفروعه من تعاليم الدين الإسلامي المستمدة من القرآن والسنة النبوية.

وهناك نظريات أخرى عن وجود أفكار تصوفية قبل النبي ومورست وفي حضارات وديانات أخرى مثل المسيحية^[6] ونظم الرهبنة البوذية^[7]، والكهانة النصرانية^[6]، والشعوذة الهندية، وأصول الديانة الفارسية التي ظهرت بخراسان والفلسفات الإغريقية التي اعتقدت بمباديء مماثلة. إلا أن الصوفيون يرفضون هذه الأراء ويعتبرون الصوفية هي طريقة إسلامية أتى بها الوحي للنبي وهي تطبيق عملي للإسلام^[8].

يعتبر الصوفيون أن تسمية الصوفيون ظهرت عندما تفرق المسلمون الأوائل إلى شيع ونحل. عندها سمي من التزم بتعاليم النبي بالزهاد والعباد. وبخلال المئتي سنة هجرية الأولى دعيوا بالصوفيين.^[9] ويذكر ابن خلدون أن أول من دعي بالصوفي هو أبو هاشم الصوفي المتوفي سنة 150هـ.^[10]

وبحسب المعتقدات الصوفية أن النبي عندما كان يخصّ كل من الصحابة بورد يتفق مع درجته وأحواله. فأخذ علي بن أبي طالب الذكر بالنفى والإثبات وهو (لا إله إلا الله). و أخذ أبو بكر الصديقالذكر بالاسم المفرد (الله). ثم أخذ عنهما من التابعين هذه الأذكار وسميت الطريقتين: بالبكرية والعلوية. ثم نقلت الطريقتين حتى التقتا عند الإمام أبو القاسم الجنيد. ثم تفرعتا إلى الخلوتية، والنقشبندية. واستمر الحال كذلك حتى جاء الأقطاب الأربعة: أحمد بن علي الرفاعي وعبد القادر الجيلاني وأحمد البدوي وإبراهيم الدسوقي فشيّدوا طرقهم الرئيسية الأربعة وأضافوا إليها أورادهم وأدعيتهم.

وتوجد اليوم طرق عديدة جدًا في أنحاء العالم ولكنها كلها مستمدة من هذه الطرق الأربعة. إضافة إلى أوراد أبي الحسن الشاذلي صاحب الطريقة الشاذلية والتي تعتبر أوراده جزءًا من أوراد أى طريقة صوفية موجودة اليوم. ويذكر ابن خلدون:

هذا علم من العلوم الشرعية وأصله أن طريقة هولاء القوم لم تزل عند سلف الأمة وكبارها من الصحابة والتابعين ومن بعدهم طريق الحق والهداية، وأصلها العكوف على العبادة والانقطاع إلى الله تعالى والإعراض عن زخرف الحياة وزينتها والزهد فيما يقبل عليه الجمهور من لذة ومال وجاه والانفراد عن الخلق في الخلوة للعبادة. وكان ذلك عاما في الصحابة والسلف ولما نشأ الإقبال على الدنيا في القرن الثاني وما بعده وجنح الناس إلى مخالطة الدنيا اختص المقبلون على الله باسم الصوفية. ابن خلدون - المقدمة[11]

مفاهيم صوفيةعدل

الميتافيزيقياعدل

تدور الأفكار الرئيسية للميتافيزيقيا الصوفية حول مفهوم التوحد مع الله. توجد فلسفتين تسود حول هذا المفهوم المثير للجدل. الأولى تنص على وحدة الوجود وبالتالي فإن الحقيقة الوحيدة في هذا الكون هو الله وأن جميع الأشياء في الكون موجودة في الله. والمفهوم الثاني هو وحدة الشهود الذي يرى أن تجربة التوحد مع الله تتم في ذهن المؤمن وأن الله ومخلوقاته مفصولين تماماً، ومع هذا، لا يكون هناك فروقات بينهما، بمعنى أخر أن "لا أحد إلا الله".

الكونياتعدل

توجد ثلاث رؤوى للكونيات في الفلسفة الصوفية وتعرض بطرية متشابكة عن طريق الخطاء. فالإشراقية التي فسرها شهاب الدين يحيى السهروردي، ثم رؤية تعتمد على فكر الإفلاطونية المحدثة وأخيراً رؤية العالم الكروي المركزي المتأثرة بالبطليمية -الإفلاطونية

اللطائف الستةعدل

يحدد معظم الصوفيين، على أساس أيات القرأن الكريم، على وجود ستة أعضاء للنفس الإنسانية تسمى "اللطائف الستة" تتحكم بالديناميكية النفسية وهي: النفس، القلب، السر، الروح، الروح الخافي، والأخفى. ويعتبرها الصوفيون هذه الأعضاء تمثل للنفس مثلما تمثل الأعضاء الحيوية (مثل المعدة والرئة) للجسد.

الهيئات الخفيةعدل

يعتقد الصوفيون بوجود هيئات خفية للإنسان تؤثر في إدراكه وأهوائه ومعرفيته. وبشكل عام، يقسم الصوفيون هذه الهيئات إلى ثلاث أنواع:

• الروح: يؤمن الصوفيون بالروح القوية. ويمكن تقوية الروح باتباع تعاليم شيخ طريقة. وتقوية الروح بحسب القيم الإسلامية تؤدي للوصول لله. فالموت عندهم هو ليس بالنهاية، بل بداية حياة جديدة مختلفة عما نعهده بهذه الحياة. فالموت هو انفصال مؤقت بيت الجسد والروح. فالله دمج بين الروح والجسد ليجعلنا نختبر الحياة الفيزيائية التي نعرفها.
• النسمة: يعتقد الصوفيون بوجود هيئة خفية تسمى النسمة تمثل الآجسام النجمية وهي خفية مثل الروح، لكنها تختلف عنها إذ أنها تسمح للإدراك بالانتقال الجيوغرافي مع الإبقاء الجسد المادي في مكانه.
• الجسد المادي: يفرق الصوفيون بين الجسد المادي المرتبط بفيزياء عالمنا الحالي وبين النفس التي تسمح بإدراك العالم الفيزيائي المادي من دون استعمال الإعضاء الحيوية للجسد.

الحالات الروحيةعدل

بالنسبة للفلسفة الصوفية، يقوم المريد بشعائر صوفية متخصصة لينتقل من إدراكية محسوسة إلى معرفية مجردة. وهناك مصطلحات محددة يستعملها الصوفيون لوصف المراحل التي يمر بها المريد للوصول إلى مبتغاه. من أهم هذه المصطلحات:

• الحال: هي حالة إدراكية تنتج عن ممارسة الشعائر الروحية الصوفية. ولكل حال مقام متدرج بحسب الخبرة الروحانية التي يتوصل لها المريد بخلال حجه الروحي.
• المنزلة: وهي مستوى إدراكي يناله المريدمن خلال ممارسته الشعائر الصوفية. هناك سبعة منازل يمكن للمريد أن يحصلها. والمنازل بحسب القرأن هي ممارسات تحمى الشخص من السحر.
• المقام: وهي درجة التحصيل الروحي للمريد وتعبر عن مرحلة نومه الصوفية. وهناك اختلاف بين المقام والحال إذ أن المقام هو مجهود يقوم به المريد، بينما الحال هي هبة أو موهبة يتملكها المريد.

مباديء صوفية عرفانيةعدل

عند الصوفيين، تتمثل الحقيقة اليقينية العرفانية بتزاوج مبدئي الفناء والبقاء والذين يتكاملا للوصول إلى اليقين.^[12]

• الفناء عند الصوفيين هو مصطلح يدل على مستويات إدراكية يصل إليها المريد. وهي نوع من اندثار للنفس مع إبقاء الجسد المادي حيا. وهي حالة الاتحاد كاملة مع الوجود المادي والروحاني والمجردي. وهناك ثلاث مستويات من الفناء التي يجب تحقيقها وهي:
  • "الفناء بالشيخ" أي التكامل مع الوجودية الفيزيائية المادية،
  • "الفناء بالرسول" أي التكامل مع العالم الروحاني،
  • ثم "الفناء بالله" أي التكامل مع الوجود المجرد.
• وليصل الصوفي إلى هذه المستويات، عليه تطهير ذاته النفسية من كل الدوافع الشريرة والتغلب على كل الغرائز الجسدية الوضيعة. بمعى أخر، الامتناع عن القيام بكل الخطايا (مثل الجشع، الشهوة، المتعة، الغرور، الأنانية...) والامتناع عن كل أنواع الحب ما عدا حب الذات الإلاهية المطلقة. ويؤدي هذا الامتناع إلى تدمير الذات النفسية مما يقرب المريد إلى الله لدرجة الفناء فيه.
• البقاء في الصوفية هي درجة إدراكية عليا يصل اليها المريد عند نهاية تجربته الصوفية فيفنى بشكل تام بالذات الإلاهية مما يعطيه الكمال في الوجود والعرفانية واليقين. والوصول للبقاء هو سبب الحياة. ويعتبر الصوفيون أن كل المخلوقات ستصل إلى هذه الدرجة بحياتهم أم بمماتهم. ويعتبرون أن كل الحكماء والأنبياء وصلوا لهذه الدرجة وانهم حاولوا تعليمها للبشر. فهذه الفكرة أساسية في كل الطروحات الدينية وكل دين أو طريقة يطلق مصطلحا مختلفا لنفس معنى البقاء. مثلا، في الإسلام القرأني تسمى "النجاة"، في المسيحية تسمى "الخلاص"، وفي البوذية تسمى "نيرفانا" وفي الهندوسية تسمى "موكتهي".
• اليقين هي أعلى مقامات مستويات العرفانية الصوفية والتي هي نهاية مطاف المريد الصوفي والتي وصل إليها كل الإولياء والقديسين.

مفاهيم أخرىعدل

• الحقيقة هي المعرفة الكاملة التي يصل لها المريد عند مستوى اليقين
• المعرفة عند الصوفية تعني إدراك الموجود بحقيقته بشكل غرائزي بغياب كل مباديء باطلة وذلك عن طريق المرور بخبرات شخصية شاطحة بدلا من تعلمها من الأخرين أو إدراكها عن طريق التفكر.
• الإحسان بالصوفية يعني الكمال والتمييز وهو من أهم أهداف الصوفية.
• الذكر عند الصوفيين هي شعيرة فكرية يقوم بها المريد للتقرب لله. وبالعادة تكون بترداد لفظه معينة (مثل كلمة الله أو عبارة سبحان الله) أو بترداد حركة معينة مهمتها تخلية العقل للتفكر بالله.

تأمل فى مز 102 عصفور منفرد على السطح

عصفور منفرد على السطح
 

مزمور ١٠٢ : ٧
أغلب الظن أن داود النبي كاتب هذا المزمور وهو أحد مزامير التوبة السبعة وهي
مز ٦ و ٣٢ و ٣٨ و ٥١ و ١٠٢ و ١٣٠ و ١٤٣
والعصفور كائن جميل ذو صوت عذب ولكن كاتب المزمور شبه نفسه هنا كعصفور منفرد حزين على السطح لماذا ؟
١ - عصفور منفرد لأنه فقد الرفيق
فقدان الأحباء والأصدقاء أمر مؤلم ولاسيما بسبب جائحة كورونا التي تجعلنا نفقد الكثير من الأحباء كل ساعة ولكن الله هو مؤنس وحدتنا أن أبي وأمي قد تركاني والرب يضمني.
٢- عصفور منفرد لأنه يمر في ظرف دقيق
المحن والمشكلات والضغوط الكثيرة تجعل الإنسان ينطوي على ذاته ويغلق على نفسه وقد لا يحب أن يلتقي بوجه أي إنسان وفي تلك اللحظات لانجد إلا الله الذي يؤنس وحدتنا .
٣- عصفور منفرد بسبب خيانة صديق
تعرض داود في حياته للكثير من الخيانة سواء من أخيتوفل مز ٥٥  : ١٢ - ١٤
او من ابنه أبشالوم
ونحن وان كنا نتعرض للخيانة من البشر وننعزل عن الناس علينا أن نتذكر المسيح الذي تعرض لأقسى  خيانه من تلميذه وحبيبه يهوذا فالمسيح يشعر بألمنا وهو الصديق والرفيق عندما نتعرض لخيانة المقربين.
4_عصفور منفرد بسبب الاكتئاب العميق
مر داود بظروف قاسية وأكتأب وضاقت نفسه فهو يقول صارت لي دموعي خبزا مز  ٤٢ : ٣ - ٦
وما نجتاز فيه من ألم ومرض وأخبار محزنه قد يصيبنا بالكآبة والضيق ولاسيما في هذا الوقت الذي تحولت فيه صفحات وسائل التواصل الاجتماعي إلى سرادقات للعزاء بسبب فقدان الأحباء والأصدقاء
فهذه الأخبار المؤلمة التي نقرأها ونشاهدها عبر وسائل الإعلام تجعلنا نتألم ونكتئب ولكن لنتذكر معية القدير .
٥ - عصفور منفرد ولكنه لم ينس من الله الرقيق
فالله المحب لم ينس العصفور أليست خمسة عصافير تباع بفلسين وواحد منها ليس منسيا أمام الله  لو ١٢ : ٦ - ٧
ونحن كبشر أفضل من عصافير كثيرة فهو يهتم بنا ولا يمكن أن ينسانا
أخي الحبيب إذا كنت مثل العصفور المنفرد بسبب فقد الرفيق أو لأنك تمر في ظرف دقيق أو بسبب خيانة صديق أو بسبب الاكتئاب العميق
فثق أنك لا يمكن أن تنسى من إلهك الرقيق .
ملخص خدمة  مساء الأحد ٥ يوليو ٢٠٢٠
القس رفعت فكري

معجزات اليشع النبى

حصر معجزات اليشع بالشواهد🙏

معجزة أليشع الأولى: أليشع يشق نهر الأردن (٢ملوك ٢: ١٣، ١٤)

تحويل مياه أريحا الرديئة الى مياه صالحة للشرب (٢ملوك ٢: ١٩-٢٢)

معجزة أليشع الثالثة: أليشع يلعن الساخرين (٢ملوك ٢: ٢٣ - ٢٥)

معجزة أليشع الرابعة: إرواء ثلاثة جيوش (٢ملوك ٣)

معجزة أليشع الخامسة: دُهْنَة زيت ملأت أوعية كثيرة (٢ملوك ٤: ١-٧)

معجزة أليشع السادسة: إقامة ابن الشونمية من الموت (٢ملوك ٤: ٨-٣٧)

معجزة أليشع السابعة: القضاء على السموم في الخضروات (٢ملوك ٤: ٣٨-٤١)

معجزة أليشع الثامنة: عشرون رغيفاً تُطعم مئة رجل (٢ملوك ٤: ٤٢،٤٣)

معجزة أليشع التاسعة: شفاء قائد الجيش السوري (٢ملوك ٥)

معجزة أليشع العاشرة: لَعْن جيحزي بالبرص (٢ملوك ٥: ١٩-٢٧)

معجزة أليشع الحادية عشرة: الحديد يطفو على الماء (٢ملوك ٦: ١-٧)

معجزة أليشع الثانية عشرة: أليشع يكشف خطط العدو (٢ملوك ٦: ٨-٢٣)

معجزة أليشع الثالثة عشرة: الله يفتح كوى السماوات (٢ملوك ٦: ٢٤ - ٧: ١٩ و٢٠)

معجزة أليشع الرابعة عشرة: أليشع يُخبر حزائيل بمستقبله (٢ملوك ٨: ٧-١٥)

معجزة أليشع الخامسة عشرة: إقامة ميت (٢ملوك ١٣: ١٤-٢١)

قصه الله لا ينسى تعب المحبة

* سامح شاب ٢٩ سنه من سكان القاهره خريج كلية ألسن ألمانى بيحكى قصته ..

** يقول: فى يوم ١٢ يناير لسنه ٢٠٠٩ كنت رايح الجامعه انا وصحابى كان ورانا إمتحان خ واحنا ماشيين لاقينا راجل كبير واقع فى الأرض جرينا عليه نشوفه ماله لاقيناه تعبان جدا ومش قادر ياخد نفسه ، اتصلنا بالأسعاف لكن للأسف ماحدش جه ..
إتأخرنا جداً على الإمتحان ولاقيت صحابى واحد ورا التانى بيمشى عشان يلحقوا اللجنه ، وفضلت أنا لوحدى مع الراجل مش عارف أعمل ايه ، حتى ماكنش فى حد فى الشارع عاوز يساعده ..
بصراحه ماهنش عليا أسيبه وأمشى، أستعوضت ربنا فى الإمتحان ، ووقفت تاكسى بسرعه ونقلته لأقرب مستشفى ، اتحجز فى العنايه المركزه وفضلت قاعد فى المستشفى لغاية الساعه ٤:٣٥ بعد الظهر ، لدرجة من كتر التعب نمت على الكنبه ، جه الدكتور صحانى وقالى الراجل ده كان هايجيله شلل رباعى بسبب جلطه كانت نازله على المخ وكويس انك لحقته وجبته المستشفى واخد العلاج اللازم .
بصراحه فرحت جداً ان الراجل هايبقى كويس مع انى معرفهوش ولا يعرفنى بس حسيت بإرتياح نفسى كدا ..
المهم بقيت أزور الراجل ده يومياً لغاية ما خف وبقى كويس وسبتله رقمى لو إحتاج أى حاجه يكلمنى ..
للأسف طبعاً شيلت مادة الإمتحان اللى حصل فيه موقف الراجل ده ، وحزنت جداً خصوصاً إن أخر السنه نزلت منحه مجاناً فى الكليه إنى أكمل دراسه فى المانيا بشرط انى اكون طالع صافى كل السنين بتقدير جيد ..
وفضلت الماده دى الوحيده اللى شلتها نقطه سوده فى مستقبلى ، وكأن الزمن بيعاقبنى على فعل الخير عدت الأيام وأمتحنت الماده وإتخرجت من الكليه وانا بائس ماليش نفس أعمل أى حاجه ، عينى على زمايلى اللى سافروا المانيا يكملوا دراستهم ويرجعوا بشهاده يشتغلوا بيها أحسن شغل فى مصر ..
عدت الأيام لغاية ما جه يوم ٢٢ مايو لحظة تغير جذرى فى حياتى ، حصلت حاجه ماكنتش قادر أتخيل إنها ممكن تحصل أصلاً ..
اليوم ده قدمت على شغل فى شركه كبيره جداً فى مصر ، لكن للأسف ماتوفقتش بالرغم انى كنت مجهز نفسى كويس جداً ، لكن أخدها واحد بالواسطه
اليوم ده خرجت من الشركه والدنيا سوده قدام عينيا من كتر الحزن عينى الشمال كانت وجعانى وضغطى عالى جداً ، كنت ماشى فى الشارع وانا عينيا بتدمع لا إرادياً، ماكنتش شايف حد قدامى ، مش شايف غير كل الفرص اللى ضاعت منى بسبب سوء الحظ ..
وصلت البيت وانا ساكت تماماً كل اللى يسألنى بشاورله انى عاوز انام ، دخلت أوضتى وإترميت على السرير من شدة الحزن عاوز أصرخ ، مالقتش غير النت أخرج فيه مشاعرى طلعت الموبيل وكتبت على الفيس لماذا يارب تركتنى انا فاكر وقت البوست كويس كانت الساعه ٧:٢٣ بالليل ساعتها كنت بموت بالمعنى الحرفى ..
كتبت البوست ده ونمت ، صحيت الساعه ١٢ بالليل بسبب كوابيس كتير جاتنى ، لاقيت رساله من حد مش عندى فى الأصدقاء وحاطط صوره منظر طبيعى بروفيل له ، بيقولى مساء الخير يا سامح انت كويس طمنى عليك ؟
إستغربت أنه عارفنى .. كتبتله وقولت ..
- الحمدلله بخير ، مين حضرتك ؟
- معقول مش عارفنى يا سامح ، انا الراجل اللى انت انقذته من الموت ..
- اه اهلا بحضرتك ازيك ، انت جبت الفيس بتاعى إزاى ..
- بحثت برقم تليفونك ولاقيتك ، قولى مالك متضايق ليه وكاتب لماذا يارب تركتنى ..
حكيتله عن اللى حصل فى الوظيفه وقد ايه اتظلمت عشان مش معايا واسطه ..
لاقيته بيقولى ولا يهمك تحب تسافر المانيا ..؟
انا قريت رسالته دى واتثبت مكانى مابقتش عارف انطق بنص كلمه ، تلقائياً لاقيتنى بقوله انت بتتكلم جد ؟
قالى انا مستثمر فى المانيا بقالى اكتر من ٣٨ سنه ، ودى اقل حاجه ممكن أقدمهالك على الخدمه العظيمه اللى إنت قدمتهالي ..
عدت الأيام وصدق الراجل فى وعده وسافرت وسهّل ليا كل إجراءات الإقامه والشغل ..
الغريب بقى إنى لما قابلت صحابى هناك إستغربوا جدا وسألونى انت جيت المانيا إزاى ..
قولتلهم وانا مبتسم .. جيت بالتاكسى
وحاكيتلهم حكايه الراجل اللى نقلته المستشفى بالتاكسى ساعة الإمتحان ، وهو اللى ساعدنى آجى هنا ..
كنت بحلم بمنحه دراسيه كام شهر فى ألمانيا عشان ارجع اشتغل فى مصر ، لكن حكمة وترتيب ربنا العجيبه جداً ، رزقنى بإقامه دائمه فى المانيا بشغل أحسن وأفضل من مصر بكتير ..
حقا
ان الله لا ينسى كوب ماء بارد قدمته من أجله..
لذا إرمى خبزك على وجه المياه..ستجده ولو بعد حين.. لا تنتظر مقابلا من البشر بل كن سامرى صالح فى زمانك والرب لن ينس ابدا تعب محبتك.

تعود فتحينا. قصه

يتعود فتحينا

أنجليزى اسمه (توماس ) يعمل ميكانيكى و يجد قوت يومه بصعوبه ،رزقه الله ببنت .

ولما تمت ٥ سنوات أصيبت بمرض أدى إلى ضمور عضلاتها فتوقف نموها عند هذا السن .

كلما دخل عليها أبوها وجدها تبكى فيغلق عليها الباب و يذهب لحجرته مهموما و يضرب السرير بقدمه فى غيظ قائلا :
لماذا يارب .. كل الناس تنجب بناتا و أنا الوحيد الذى ابتليتنى بالفقر و ابنه مريضة ؟

ذهب لعمله يوما فاشتكى لصديق له قال له صاحبه : "البنات يا صديقي من اسرار جمال الله فإستمتع بقُربها ولسوف يُريك الله جمال وجودها ذات يوم " !

ذهب لبيته .. دخل على ابنته المقعدة .. فنظرت إليه و بكت كعادتها .. حملها على ظهره فسكتت .. جرى بها فى الشقة فاردا ذراعيه كأنهما جناحين .. فضحكت حتى شهقت من كثرة الضحك !! شعر بالسعادة لأول مرة فى حياته .

حملها و جرى بها فى الشارع كالمجنون .. ضحكت و ضحكت و ضحكت .. رآه جاره فقال له : أنا أراك سريعا جدا فى الجرى .. لماذا لا تتقدم فى مسابقة الجرى التى تجريها ملكة بريطانيا سنويا .؟!!
تقدم توماس للمسابقة و ذهب للمسابقة حاملا ابنته على كتفه وصل للمركز الثالث و لكنه خطف الأنظار نحوه بسبب ابنته تكلمت عنه الجرائد .. و انصرفت أبصار الناس عن صاحب المركز الأول .

تقدم فى العام التالى لنفس المسابقة، حمل ابنته أيضا و جرى بها حتى حاز على المركز الأول .. وفاز ب 9 مليون دولار و جائزة الأب المثالى ليصبح من أغنى أغنياء بريطانيا ....

أَنْتَ الَّذِي أَرَيْتَنَا ضِيقَاتٍ كَثِيرَةً وَرَدِيئَةً، تَعُودُ فَتُحْيِينَا، وَمِنْ أَعْمَاقِ الأَرْضِ تَعُودُ فَتُصْعِدُنَا. المزامير ٢٠:٧١خح

الفلتر الثلاثى

الفلتر الثلاثى

اشتهر سقراط بحكمته وفي أحد الأيام صادف الفيلسوف رجل من معارفه الذي ركض إليه وقال له بتلهف؛
سقراط، أتعلم ما سمعت عن أحد طلابك؟"
رد عليه سقراط: انتظر لحظة قبل أن تخبرني أود منك أن تجتاز امتحان صغير يدعى امتحان الفلتر الثلاثي،

الفلتر الثلاثي؟

تابع سقراط: هذا صحيح قبل أن تخبرني عن طالبي لنأخذ لحظة لنفلتر ما كنت ستقوله، (يعني لنصفي كلامك).
الفلتر الأول: هو الصدق:
هل أنت متأكد أن ما ستخبرني به صحيح؟
رد الرجل: لا، في الواقع لقد سمعت الخبر،
قال سقراط: حسنا، إذا أنت لست متأكد أن ما ستخبرني به صحيح أو خطأ !
لنجرب الفلتر الثاني؟
الفلتر الثاني: فلتر الطيبة:
هل ما ستخبرني به عن طالبي شيء طيب؟
رد الرجل: لا، على العكس،
تابع سقراط: حسنا إذا ستخبرني شيء سيء عن طالبي على الرغم من أنك غير متأكد من أنه صحيح؟
بدأ الرجل بالشعور بالإحراج.
تابع سقراط: ما زال بإمكانك أن تنجح بالامتحان، فهناك فلتر ثالث،
الفلتر الثالث: فلتر الفائدة:
هل ما ستخبرني به عن طالبي سيفيدني؟
رد الرجل: في الواقع لا.
تابع سقراط: إذًا، إذا كنت ستخبرني بشيء ليس بصحيح، ولا بطيب، ولا ذي فائدة أو قيمة، لماذا تخبرني به من الأصل؟!
فسكت الرجل وشعر بالهزيمة والإهانة !!

لهذا السبب كان سقراط فيلسوفا يقدره الناس ويضعونه في مكانة عالية.
الحكمةأو العبرة : كم نحن بحاجة اليوم إلى فلتر سقراط، قبل أن نظلم الخلق بأخبار غير صحيحة عنهم، فنؤذيهم بجهالتنا

‏لا شيء في الطبيعة يعيش لنفسه
النهر لا يشرب ماءه
الأشجار لا تأكل ثمارها
الشمس لا تُشرق لذاتها
الزهرة لا تعبق لنفسِها
  "فلنعش لبعضنا"
هذا هو قانون الطبيعه فكونوا عونا لبعض ولاتكونوا سببا لتعاسة بعضنا البعض .