مبدأ الزرع والحصاد
كلمة الله بتعلن الحق ده
( ما يزرعه الانسان اياه يحصد ايضا )
ولذلك فيه قول بيعجبنى جداً بيقول " لا تعد الطريق لابنك بل عد ابنك للطريق". وبناء عليه أحب اوضح نقطه هامة جداً ومبدأ كتير مبناخدش بالنا منه.
سيبوا اولادكم هم اللى يزرعوا فى ارضهم وبطلوا تزرعوا لهم. بطلوا تسهلوا عليهم حياتهم ، تاخدوا بدالهم قراراتهم، تذاكرولهم وهم فى سن يقدروا فيه يذاكروا لنفسهم، بطلوا تلبسوهم هدومهم بعد سن 3-4 سنين او تأكلولهم بإيديكم او تحموهم. شيلوهم مسئولية نفسهم ، ومسئولية تصرفاتهم وكمان عواقب اخطائهم. محتاجين من وهم صغيرين يجربوا يزرعوا بنفسهم علشان لما يحصدوا يفرحوا ويحسوا بقيمة النجاح اللى تعبوا فيه.
لما بيزرعوا حياتهم بنفسهم بيتعلموا:
1- انهم مهمين ، موثوق فيهم، وقادرين على اتخاذ قرارات بنفسهم. (مش هيطلع عندهم عقدة نقص او إحساس بالفشل)
2- أهمية الزرع اصلا، اهمية التخطيط، اهمية العمل الجاد.
3- حتى لو تكاسلوا او غلطوا ، بيتعلموا من أخطائهم . لكن لو انت مصبرتش وقمت بالمسئولية عنهم عمرهم ما هيتعلموا ( وهيلوموك على نصائحك وأوقات كتيرة على تدخلاتك)
4- احنا مش دايمين ليهم، بلاش تطلعوا شخصيات اعتمادية طفيلية غير قادرة على المواجهة وتحمل المسئولية واتخاذ القرارات فى الوقت المناسب. دايماً مش هيشوفوا غلطتهم ودايماً هيدوروا على حد يحل مشكلتهم (اللى هى اصلا ماتتحلش غير بإنهم يشتغلوا على نفسهم فى تغيير الصفات السلبية فيهم). ويفضلوا يتنقلوا مش شخص لشخص علشان يقوم بالدور بدالهم. ويستغربوا قوى إزاى الناس مش بتشيل بدالهم.
ارفعوا ايديكم عنهم بدرى واصبروا وامسكوا نفسكم انكم تتدخلوا لتصحيح المسار (طول ما هو مفهيوش اذى جسيم وحطوا عشرين خط تحت كلمة جسيم).
الحب مش انى اعملهم حاجة يقدروا يعملوها (كده بتصنع انسان عاجز ) الحب انى امكنه من الحياة الصح بطريقته مش بطريقتى.
اطلقوا اولادكم فى الحياة يختبروا القانون الازلى بنفسهم ويطوروا نفسهم. فإن ما يزرعه الانسان إياه يحصد.
القس عبد المسيح يعقوب
كلمة الله بتعلن الحق ده
( ما يزرعه الانسان اياه يحصد ايضا )
ولذلك فيه قول بيعجبنى جداً بيقول " لا تعد الطريق لابنك بل عد ابنك للطريق". وبناء عليه أحب اوضح نقطه هامة جداً ومبدأ كتير مبناخدش بالنا منه.
سيبوا اولادكم هم اللى يزرعوا فى ارضهم وبطلوا تزرعوا لهم. بطلوا تسهلوا عليهم حياتهم ، تاخدوا بدالهم قراراتهم، تذاكرولهم وهم فى سن يقدروا فيه يذاكروا لنفسهم، بطلوا تلبسوهم هدومهم بعد سن 3-4 سنين او تأكلولهم بإيديكم او تحموهم. شيلوهم مسئولية نفسهم ، ومسئولية تصرفاتهم وكمان عواقب اخطائهم. محتاجين من وهم صغيرين يجربوا يزرعوا بنفسهم علشان لما يحصدوا يفرحوا ويحسوا بقيمة النجاح اللى تعبوا فيه.
لما بيزرعوا حياتهم بنفسهم بيتعلموا:
1- انهم مهمين ، موثوق فيهم، وقادرين على اتخاذ قرارات بنفسهم. (مش هيطلع عندهم عقدة نقص او إحساس بالفشل)
2- أهمية الزرع اصلا، اهمية التخطيط، اهمية العمل الجاد.
3- حتى لو تكاسلوا او غلطوا ، بيتعلموا من أخطائهم . لكن لو انت مصبرتش وقمت بالمسئولية عنهم عمرهم ما هيتعلموا ( وهيلوموك على نصائحك وأوقات كتيرة على تدخلاتك)
4- احنا مش دايمين ليهم، بلاش تطلعوا شخصيات اعتمادية طفيلية غير قادرة على المواجهة وتحمل المسئولية واتخاذ القرارات فى الوقت المناسب. دايماً مش هيشوفوا غلطتهم ودايماً هيدوروا على حد يحل مشكلتهم (اللى هى اصلا ماتتحلش غير بإنهم يشتغلوا على نفسهم فى تغيير الصفات السلبية فيهم). ويفضلوا يتنقلوا مش شخص لشخص علشان يقوم بالدور بدالهم. ويستغربوا قوى إزاى الناس مش بتشيل بدالهم.
ارفعوا ايديكم عنهم بدرى واصبروا وامسكوا نفسكم انكم تتدخلوا لتصحيح المسار (طول ما هو مفهيوش اذى جسيم وحطوا عشرين خط تحت كلمة جسيم).
الحب مش انى اعملهم حاجة يقدروا يعملوها (كده بتصنع انسان عاجز ) الحب انى امكنه من الحياة الصح بطريقته مش بطريقتى.
اطلقوا اولادكم فى الحياة يختبروا القانون الازلى بنفسهم ويطوروا نفسهم. فإن ما يزرعه الانسان إياه يحصد.
القس عبد المسيح يعقوب
ليست هناك تعليقات:
إرسال تعليق